Asosiy mavzular
9 avgust 2019

Vazirni tanqid qilgan bloger kuyovga jinoyat ishi ochildi

Toshkent viloyatining O‘rtachirchiq tumanida yashovchi 31 yashar Mirsaid Haydarov ijtimoiy tarmoq orqali axborot texnologiyalari va kommunikatsiyalarini rivojlantirish vaziri Shuhrat Sodiqovni tanqid qilgani uchun tuhmat va haqoratda ayblanayotganini aytmoqda. 

Vazir Shuhrat Sodiqovning O‘rtachirchiq tumanidagi uyi.

24 iyun kuni unga nisbatan JKning 139-moddasi 2-bandi (ommaviy axborot vositalari orqali tuhmat) bo‘yicha jinoyat ishi ochilgan.

Haydarovning “Eltuz” nashriga bildirishicha, bunga uning “Ozodlik”da e'lon qilingan “O‘zbekistonda vazir va oddiy fuqaro birga yashay oladimi?” sarlavhali videosi sabab bo‘lgan.

Videoda u tumandagi yo‘llarning rasvoligi va ayni mahallada faqat vazir Sh.Sodiqovning uyi atrofi asfalt qilingani haqida gapiradi. Ayni videoda faktlar ko‘rsatiladi. Vazirga nisbatan tuhmat yoki haqoratli so‘zlar yo‘qligini e'tirof etish mumkin.

Bosh prokuraturaning “Daryo.o‘z” nashriga bergan izohiga ko‘ra, jinoyat ishi ochilishiga O‘rtachirchiq tumanining Qurama ovul chuvuldoq MFY Saxovat ko‘chasida yashovchi N.S. va uning ukasi R.M.ning Haydarovga chora ko‘rishni so‘rab yozgan arizasi sabab bo‘lgan.

Rasmda: o‘ngda vazirning advokati B. Eshmurodov

Unda, shuningdek, Haydarov farzandlarini ko‘rish bahonasida sobiq xotini (vazir Sh.Sodiqovning qizi) yashayotgan xonadonda muntazam janjal chiqarib, turli idoralarga tuhmatdan iborat arizalar bilan murojaat qilib kelayotganligi aytiladi.

“Mazkur jinoyat ishi qo‘zg‘atilishiga ijtimoiy tarmoqlarda 12 iyun kuni e'lon qilingan “O‘zbekiston vazir va oddiy fuqaro birga yashay oladimi?” videoni ko‘rib fikr bildiring!” sarlavhali videorolik asos bo‘lmagan hamda videorolikning jinoyat ishiga aloqasi mavjud emas”, deyiladi Bosh prokuratura izohida.

Haydarovning “Eltuz”ga aytishicha, bu gaplar prokuratura tomonidan ommaviy axborot vositalarini chalg‘itishdan boshqa narsa emas. Chunki O‘rtachirchiq tumani IIB tergov bo‘limining unga tanishish uchun berilgan, uni ayblanuvchi tariqasida ishtirok etishga jalb qilish to‘g‘risidagi qarorida bu holat aniq qilib yozib qo‘yilgan:

M. Haydarovni ayblanuvchi tariqasida ishtirok etishga jalb qilish to‘g‘risidagi qarordan

“M.Haydarov tuhmat qilish, ya'ni bila turib, sobiq turmush o‘rtog‘i N.Sodiqovaning otasi Sh.Sodiqovni va uning oila a'zolarini sharmanda qiladigan asossiz uydirmalarni Internetdagi Telegram ijtimoiy tarmog‘i orqali nashr qilib, “Ozodlik” radiosining Telegram ijtimoiy tarmog‘iga yuborib, “www.facebook.com” ijtimoiy tarmog‘i orqali tarqatilishiga erishgan”.

Ayni ayblov Haydarovga nisbatan JKning 139-moddasi 2-bandi bo‘yicha jinoyat ishi ochilishiga sabab bo‘lgani ta'kidlanadi jumladan tergov qarorida.

Eltuz.com

Tag‘in o‘qing
5 yanvar 2016
Yangi hamkorimiz bizga jo‘natgan ilk hajviy surat «Karimovning amal kursisi» deb nomlanadi. Elsevar taxallusi bilan ijod qilishni ma'qul ko‘rgan ...
14 dekabr 2020
Vazifasidan vaqtincha chetlatilgan Buxoro shahri prokurori Jasur Fozilov ijtimoiy mediada chiqish qilib, bosh prokuror Nig‘matulla Yo‘ldoshevni korruptsiyada aybladi. Bosh ...
6 iyul 2019
«Eltuz» nashri jamoasi bir hafta davomida Germaniya poytaxti Berlinda yangi rejalarni belgilab oldi va navbatdagi treningdan keyin uch haftalik ...
11 avgust 2020
O‘zbekiston Senatining 7 avgust kuni ochilgan oltinchi yalpi majlisida parlament yuqori palatasi raisi Tanzila Norboeva mamlakatda korruptsiya avj olganini ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...