Asosiy mavzular
24 iyun 2022

G‘uzorda ikki nafar bola vafot etdi, SSV kasallikni aniqlay olmayapti

Qashqadaryo viloyati G‘uzor tumanida 2 nafar bola noma'lum kasallik sabab vafot etdi. “Xalq so‘zi” gazetasi jurnalisti Fazliddin Abilovning “Eltuz”ga ma'lum qilishicha, vafot etgan bolalar6 yoshli qizaloq va 3 yoshli o‘g‘il bola uning jiyanlaridir. Mahallada istiqomat qiluvchi o‘nlab bolalarning ham ahvoli og‘ir. Isitmalashyapti, badanlariga toshmalar toshgan.

Bolalardagi ushbu noma'lum kasallik simtomlari ikki kun oldin, ya'ni 22 iyun sanasidan boshlab kuzatila boshlagan. Natijada 23 iyunda 3 yoshli bolakay, 24 iyunda esa 6 yoshli qizaloq vafot etgan.

Jurnalist kuni kecha G‘uzordagi holat yuzasidan Sog‘liqni saqlash vazirligiga ma'lumot bergan. Uning iddaolariga ko‘ra, vazirlik bunga sovuqqonlik bilan yondoshgan.

«Vazirlikka 23 iyun kuni kunduzi holatni ma'lum qildik, ular kechasi 23.00 da bayonot berishdi», –deydi F. Abilov. Bayonotda holatni o‘rganish uchun bir guruh malakali profesor va shifokorlardan tuzilgan brigada G‘uzorga yuborilgani aytilgan.

«Ular yetib borgunga qadar tongda yana bir jiyanim olamdan o‘tdi. Ularning borgan yoki bormaganini aniq bilmayman. Eshitishimcha, mutaxassislar bemor bolalarni emas, G‘uzordagi tibbiyot muassasalarni tekshirayotgan ekan. 24 iyun tongda vafot etgan qizaloqni ekspertizaga olib ketish uchun maxsus mashina kelgan. Ammo u ham yarim yo‘lda yoqilg‘isi yo‘qligi tufayli o‘chib qolgan. Jiyanimning o‘ligi ham hor bo‘lyapti. Bu tizimning egasi bormi, bu davlatda insonlar xor bo‘lib o‘lib ketaveradimi?» deydi Abilov.

SSV matbuot xizmati “Eltuz” ga vazirlik telegram kanalida holat yuzasidan batafsil ma'lumot berishini ma'lum qilgan.

“Eltuz” holat bo‘yicha qo‘shimcha ma'lumot olish maqsadida G‘uzor tumani hokimligi mutasaddilari bilan bog‘landi. Ularning aytishicha, bemor bolalar ota-onalarining roziligi bilan Qarshi shahar ko‘p tarmoqli bolalar shifoxonasiga yotqizilgan. G‘uzor tibbiyot birlashmasi xodimlari dastlabki tashxislariga ko‘ra bolalar omikron yoki suvchechak yuqtirib olishgan, deya tahmin qilmoqda. Chunki bolalarda toshma toshgan, ular tinimsiz isitmalagan.

G‘uzor tumaniga yuborilgan brigadada pediatrlar Dilrabo Abdullaeva va Muborak Alixo‘jaevalar ham bor. Ular tuman tibbiyot birlashmasida bo‘lib turibdi. Hali biror narsa aniqlashmagan.

Eltuz.com

Tag‘in o‘qing
27 yanvar 2018
“Imom al-Buxoriy” va “Buyuk Amir Temur” kabi filmlarni suratga olgan taniqli kinochi Baqo Sodiqov prezident farmoni bilan O‘zbekiston vatandoshi ...
15 fevral 2017
«Jamiyat» gazetasi (10.02) nodavlat notijorat tashkilotlar faoliyatining «sirli qirralari» haqida maqola e'lon qildi. Unda yozilishicha, «dunyoda o‘z manfaatini boshqalarnikidan ...
20 fevral 2016
Kuni kecha 7 yillik qamoq jazosiga xukm qilingan jizzaxlik fermer Aramais Avakyanning turmush o‘rtog‘i Shirin Tursinovani yashab turgan maxallasidan ...
17 mart 2017
Siyosatshunos Bahodir Fayz bugungi Turkiya muammolari haqidagi fikrlarini Eltuz o‘quvchilari bilan baham ko‘radi. Youtube: https://youtu.be/QEWknveLhXY Soundcloud: https://soundcloud.com/eltuz/erdon-turkiyasi-markaziy-osiyoga-rnak-emas
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...