O‘zbekiston Oliy sudi mehribonlik uyi qizlarini zo‘rlagan amaldorlar ishini qayta ko‘rib chiqadi 

O‘zbekiston Oliy sudiga Xorazm viloyati adliya boshqarmasining sobiq boshlig‘i Aybek Masharipov va tuman favqulodda vaziyatlar bo‘limi boshlig‘i Anvar Kuryazovga nisbatan chiqarilgan hukm yuzasidan Xorazm viloyati prokuraturasining protesti kelib tushdi.  Ular mehribonlik uyi tarbiyalanuvchilarini jinsiy zo‘rlashda ayblanmoqda.  

Ma'lum qilinishicha, mazkur protest joriy yilning 6 aprel kuni Oliy sudning Jinoyat ishlari bo‘yicha kollegiyasida kassatsiya tartibida yopiq sud majlisida ko‘rib chiqiladi.  

@eltuz2022 “Hozirda asosiysi qizlarga ozodlikda yurgan yuqori martabali zo‘ravonlar qo‘lining yetib bormasligidir. Endi bizni himoya qilayotgan davlatdan o‘zimizni, boshqalarni, martaba va unvonlarimizni ayamasdan,  ko‘rgazmali jazo kutamiz”,  — deb yozdi toshkentlik bloger Nikita Makarenko o‘zining Telegram-kanalida.