Jurnalistika Universitetining lifti

O‘zbekiston Jurnalistika va ommaviy kommunikatsiyalar universiteti binosi 9 qavat. Liftdan faqat professor-o‘qituvchilar va xodimlar foydalanishi mumkin.

Talabalarga esa zinadan foydalanib mashq qilish taklif qilinmoqda. Universitet ma'muriyati har qadamda «jonli burchak» va «kinoteatr» kabilarga mablag‘ sarflamasdan 4-5 ta tezkor lift o‘rnatish haqida o‘ylaganmi?

Shu o‘rinda ma'lumot: zinadan chiqib-tushish kardiologik mashq ekanligi to‘g‘ri. Lekin bu 1-5 qavatli zinalar uchun to‘g‘ri ma'lumot. Bundan balandga piyoda ko‘tarilib tushish hatto yosh organizmga ham ortiqcha va zararli yuk.

Aynan shu sababdan 5 qavatdan baland uylarga ham lift o‘rnatiladi va bu jahon miqyosida qabul qilingan standart. Jurnalistika universiteti ham hech bo‘lmasa shu tavsiyaga amal qilib 5-9 qavat uchun alohida lift qatnovini yo‘lga qo‘yishi kerak.