Elak
31 oktyabr 2016

Qo‘qonovga jazo muddatining cho‘zilishi nimadan darak?

6 oktyabr kuni, roppa rosa 23 yilu 4 oy qamoqda bo‘lib barcha jazo muddatlarini o‘tagan Samandar Qo‘qonovga, ertasigayoq sud qarori bilan tag‘in uch yilu 5 kun jazo qo‘shib berilishini, faqat qabih o‘zbek rejimi siyratining o‘zgarmagani bilangina izohlash mumkin.

rasm4047
O‘zbekiston JIBBning Qo‘qonov ustidan sud hukmi haqidagi xati

27 oktyabr kuni uning ozod etilgani haqidagi chaqmoq kabi paydo bo‘lgan umid shu kunning o‘zidayoq so‘ngan, uning hamon Navoi turmasida qolayotgani ma'lum bo‘lgan edi.

Islom Karimovning shaxsiy dushmani sifatida qamoqda saqlanayotgan siyosiy mahkumning boshqa muassasaga etap qilish harakatlari, uning ozod etilgani haqidagi gap so‘zlarning tarqalishiga sabab bo‘lgandi.

«O‘zbekiston Jazoni Ijro etish Bosh Boshqarmasi Nelson Mandela o‘rnatgan rekordni yangilamoqchi shekilli», deya yozdi jurnalist Sirojiddin Islom o‘zining Feysbukdagi mikroblogida.

O‘tgan asr o‘rtalarida Janubiy Afrika xalqi mustaqilligi uchun kurashgan Nelson Mandellaning 27 yil turmada o‘tirgani ma'lum.

O‘zbekiston xalqi mustaqilligi uchun kurashgan demokrat siyosatchi Samandar Qo‘qonovning qariyb shuncha muddat qamoqda qolishi va ayrim o‘zbek faollari tomonidan bu rejimni qo‘llab quvvatlash xitoblari bugunning aqlga sig‘mas manzaralaridir.

Mahkumning umr yo‘ldoshi Shohida Qo‘qonova olgan maktubda «Jazo muddatini o‘tash davrida muassasada o‘rnatilgan ichki tartib-qoidalarni muntazam buzib kelgani uchun 2016 yil 07 oktyabr kuni Navoiy viloyati Zarafshon shahar sudi tomonidan O‘zbekiston Respublikasi JKning 221-moddasi 2 qismi «b» bandi va 60-moddasi bilan 3 yil 5 kun»ga ozodlikdan mahrum etilgani aytiladi.

«Zulmning oxiri qaerda? Shu savolimga O‘zbekistondagi qonxo‘r rejimni puf-puflaydiganlar javob berishsin. Karimovning chorak asrlik prezidentligi Samandar Qo‘qonov oilasining bir qatra ko‘z yoshiga arzimaydi! Qo‘qonovning kenja o‘g‘li Sardor bilan ko‘zimda yosh bilan suhbatlashdim. Alloh bu oilaga sabr bersin. Yo‘qolsin ZULM, yashasin Hurriyat!», deya yozdi Ozodlik jurnalisti Sirojiddin Islom o‘z mikroblogida.

O‘zbekiston Oliy kengashi deputati, «Erk» Demokratik partiyasi a'zosi va Chinoz neftni qayta ishlash korxonasi sobiq boshlig‘i bo‘lgan Samandar Qo‘qonov bugungi kunda hamon qamoqda qolmoqda.

Qudrat Bobojon
Eltuz.com

Tag‘in o‘qing
26 aprel 2018
Andijon shahridagi 18-umumta'lim maktabining 9-sinf o‘quvchisi 22 aprel kuni o‘smirlar o‘rtasidagi o‘zaro janjalda pichoqbozlik qurboni bo‘ldi. Maktab joylashgan mahalla ...
17 fevral 2021
Hali gazga o‘tilmagan yonilg‘i sifatida faqat benzindan foydalaniladigan vaqtlar edi. Benzin esa avtomobillarga yonilg‘i quyish shoxobchalariga haftasiga bir kun ...
20 aprel 2018
Kollej o‘quvchisini urgan urganchlik o‘qituvchi Zebo Nafasova 14 aprel kuni ishdan bo‘shatildi. Uning ishdan ketishiga oyoq kiyimi bilan o‘quvchini ...
7 fevral 2024
«Yoshlarning 100 ta eng ilg‘or loyihasi» tanlovida g‘olib topilib, to‘rtinchi o‘rinni olgan Navoiylik tadbirkor Pardaev Umid imtiyozli kredit olish ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...