Asosiy mavzular
24 avgust 2018

Faqat qamatgisi keladigan prokurorlar

Rashid Qodirov davrida shakllangan prokurorlar hali ot ustida va ular uzoqqa boradigan ko‘rinadi. Ular uzoq yillardan buyon qo‘llab kelayotgan ish uslublaridan voz kechmoqchi emasdek.

Toshkentning yirik tadbirkorlaridan biri bo‘lgan Jahongir Umarov ustida o‘tkazilayotgan sud jarayoniga oid xabarlarni o‘qib, shunday xulosa kelib chiqadi.

Inson huquqlari faollari bu jinoyat ishi uyushtirilgani, bundan tadbirkorning biznesini tortib olish maqsadi ko‘zlanganiga doir ko‘plab ma'lumotlarni e'lon qilib kelyapti.

Jumladan, shahar IIBB jinoyat-qidiruv boshqarmasi tezkor xodimi ekani aytilayotgan shaxsning yuqoridagi iddaolarni tasdiqlovchi so‘zlari aks etgan audioyozuv internetda tarqaldi.

Garchi Toshkent shahri IIBB J.Umarovga qiynoqlar qo‘llanilganini rad etgan bo‘lsa-da, o‘z xodimlarining protsessual jarayonlarni qo‘pol tarzda buzganini bilvosita tasdiqlaydigan chora-tadbirlar ko‘rdi.

Ya'ni mazkur ishga aloqador xodimlarning bir nechtasiga intizomiy chora ko‘rildi, audioyozuv “qahramoni” bo‘lmish tezkor xodim Fathiddin Nuriddinov esa ishdan bo‘shatildi.

Umuman, yuqoridagilardan tashqari, oshkor bo‘lgan ma'lumotlarga ko‘ra, J.Umarovning ofisini tintuv qilish jarayoni videotasvirga olinmagan, tergov tadbirlarida ishtirok etishi kerak bo‘lgan guvohlar kechikib kelgan. Go‘yoki narkotik modda saqlanilgan stakandan barmoq izlari olinmagan.

Tadbirkor foydasiga ishlashi kerak bo‘lgan shuncha holatlarga qaramay, prokuror unga 7 yillik qamoq jazosi tayinlanishini talab qilib chiqmoqda.

Uning so‘zlariga ko‘ra, go‘yoki Jahongir Umarovning aybi isbotlangan. Prokuror tadbirkorning ofisidan opiy topilganini yana bir bor ta'kidladi.

Holbuki, tezkor xodim F.Nuriddinov tadbirkorga narkotik modda tashlab qo‘yilganini o‘z og‘zi bilan tan olgani to‘g‘risida audioyozuv mavjud.

Shuningdek, u bu harakatlarni tadbirkorni soxta ayblovlar bilan qamash tashabbuskori bo‘lgan noma'lum shaxs bilan maslahatlashgani ham ma'lum.

Sud mustaqilligi ta'minlangan demokratik davlatlarda bunday holatlar yuzaga chiqqanida prokuratura eng kamida ishni qayta tergov qilishni talab etadi. Aks holda ayblanuvchini ozod etish uchun asoslar ham yetarli.

Lekin bizning prokuratura bu darajaga yetish u yoqda tursin, hatto yaqinlashishga ham harakat qilmayapti.

Bundan ko‘rinadiki, hali O‘zbekiston prokuraturasining haqiqiy qonun himoyachisiga aylanishiga ko‘p qovun pishig‘i bor.

Qolaversa, bugun prokuratura hatto sobiq MXXning o‘rniga kelgan DXXdan ham katta vakolatlarga ega bo‘lib boryapti.

Yuqoridagi mulohazalardan kelib chiqilsa, prokuratura vakolatlarining tinimsiz kengaytirilayotgani yaxshi oqibatlarga olib kelmaydi, deb xulosa qilish mumkin.

Bahodir Sharif
Eltuz.com

Tag‘in o‘qing
24 noyabr 2016
72 yoshli siyosiy mahkum Samandar Qo‘qonovning yaqinlaridan bugun Eltuz.comga yetib kelgan xabarga ko‘ra oxirgi sud ajrimi bekor qilingan, uning ...
10 iyun 2016
Mustaqillikning 25 yillik to‘yi oldidan boshlangan ura-ura maqolalar orasidan «Xalq so‘zi»da chop etilgan «Taraqqiyotimizning asosiy mezoni» to‘g‘risidagi lavha ham ...
19 fevral 2018
Ichki ishlar vaziri, 57 yoshli Po‘lat Bobojonov o‘tgan yili «IIVning 230 nafar xodimi jinoiy javobgarlikka tortilgani, 8 ming 32 ...
10 sentyabr 2019
«Azizbek tepki zarbidan va og‘riqdan polga qulaydi. Quturgan Toshpo‘latov uning ustiga chiqib sakray boshlaydi. 3-4 marta tovoni bilan uning ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...