• Surat: Benksi, Bristol muzeyi
Ko‘zqarash
6 yanvar 2020

Allamjonov sovg‘a qilgan telefon sotiladi…

AOKA bloger va jurnalistlarni sotib olishi emas, huquqiy qo‘llab-quvvatlashi zarur. Uning bayonotlari juda kulgili. Vakolatlari bizni himoya qilishga yetmas ekan. Balki, xohish yo‘qdir.

Kecha, Otabek Nuritdinovning sudidan avval unga advokat yollash uchun mablag‘ zarurligi aytildi. AOKA tekin advokat bilan taminladimi?

Jurnalistlar uyushmasichi? (Menimcha uyushmaga bahona bor. Chunki, sudlanuvchi jurnalist emas, bloger.)

AOKA o‘zini maqtaydigan blogerlarga sovg‘a ulashguncha, erkin fikr uchun sudlanayotgan blogerga huquqiy yordam berishi, afzal emasmidi.
Balki, AOKA rahbarlarga jurnalist va blogerlarning tanqidlariga toqatli bo‘lish kerakligini seminarlar tashkil qilib o‘qitishi kerakdir. Bu o‘qishni esa avval o‘zidan boshlashni taklif qilar edim.
Axir, qachondir, qachondir tanqid qilgan taraf, erkin fikr yutib chiqishi kerak-ku!!!

Otabek Nuritdinovning sudidan so‘ng bloger va jurnalistlar «yanayam ehtiyotkorroq bo‘lish kerak», degan xulosaga kelishgan bo‘lsa ajab emas. AOKAga suyanib bo‘lmasligi ham kunday ravshan bo‘ldi.
Jurnalistlar uyushmasi esa faqat «oltin qalam» arafasida eslanadi.

Bir blogerni himoya qila olmadik.
Shilov kechirim so‘ramadi…
Ortiqxo‘jaevni prokuratura oqladi…
G‘aniev doim kechirim so‘rab qutuladi…
Shubhali investorlar mavzusi hech kimni bezovta qilmaydi…
«Oligarxlarimiz»ning «bo‘riboyvochchalari» haqida sizib chiqqan dahshatli malumotlarni tilga olishga ham qo‘rqamiz…
Uyi buzilayotganlarni «kechirim so‘rash» chellenjidan so‘ng unutdik…
Gaz, elektr muammolari qancha ko‘p yozilmasin «tepa» pinagini buzmaydi…

Qachondir, qachondir tanqid qilgan taraf, erkin fikr ham sudda yutib chiqishi kerak. 2018 Yil 27 iyun sanasida Allamjonov bir guruh jurnalistlar qatorida menga ham RedMi 5 smartfonini sovg‘a qilgan. Telefonni ishlatmaganman, yap-yangi uni sotmoqchiman. Mablag‘ esa Otabek Nuritdinov uchun ochilgan kartochkaga tashlanadi.
Qachondir erkin fikr va tanqid qiluvchilar ham g‘alaba qilishi kerak…

Ushbu surat amaldorlarning tanqidlarga toqatli bo‘lishlari kerakligini anglatadi. Uning muallifi Otabek kabi sud qilinmagan va Olloshukurova kabi jinnixonaga tiqilmagan.

Anora Sodiqova
Feysbukdagi sahifasidan

Tag‘in o‘qing
5 may 2020
2016 yil 29 dekabr kuni uchinchi otryad boshlig‘i oldimga kelib: – Sizga “muassasa ichki tartib qoidasini buzdi”, deb hujjat ...
2 oktyabr 2015
Xozarasp tumanining Sanoat qishlog‘ida Sanoat xo‘jaligining paxta dalasida joylashgan shiyponida bo‘ldik. U yerda qishloq xo‘jaligi kolleji talabalari joylashtirilgan ekan, ...
2 noyabr 2015
2015 yilning 8 – 9 iyulya Jenevada Inson huquqlari bo‘yicha BMT Qo‘mitasining kengashi bo‘lib o‘tdi, unda O‘zbekistondagi vaziyat muhokama ...
10 aprel 2017
«Oila va jamiyat» gazetasida (05.04) «Nega topganimizda baraka yo‘q?» maqolani o‘qirkan, jurnalist iddaosidagi turli paradokslarga duch keldik. Maqola O‘zbekistondagi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...