Ko‘zqarash
25 sentyabr 2015

«Yurtboshiga rahmat, tinchligimizni saqlab turibdi…»

– Dunyoda ikki yuzdan oshiq davlat bor, deyarli barchasida tinchlik, sanoqli davlatlardagina ma'lum sabablarga ko‘ra notinchlik xolos. Yurtimiz yuz yillar davomida tinch, Xudoga shukur. Bunga asosiy sabablardan biri yurtimiz aholisi tinchlikparvar va mehnatsevarligida.
– Endi katta davlatni shunchalik boshqarib turishi ham katta gap. Davlat ham bir oila kabi, davlat rahbari esa oilaning otasidir.
– Mana sizga bir misol, o‘zingiz aytgandek bir oilaning bolalari qo‘shnilarinikida qorin to‘ydirib yursa, oilani yaxshi boshqara olmayotgan kattasi bo‘lmish otaga isnod emasmi?
– Endi shuncha odamni boshqarishni o‘zi bo‘lmaydi-da.
– Eplay olmasa o‘rnini bo‘shatib qo‘ysin, boshqara oladigan inson o‘tirsin kursiga.
– Eplayapti, hamma ayb atrofidagilarda, saylab qo‘ygan hokimlari uchun u odam javob bermaydi-ku axir?!
– Iya, unda u kishimning vazifalari nimadan iborat? O‘zining qo‘l ostidagilarni nazorat qila olmasa, qanday qilib butun boshli davlatni boshqaradi?
– Mana asta-sekin o‘zgarishlar bo‘layapti-ku, hali hammasi yaxshi bo‘lib ketadi. Mustaqil bo‘lganimizga endigina yigirma besh yil bo‘ldi xolos.
– Mana sizga bir misol, qo‘shni Qozog‘iston ham biz bilan teng mustaqil bo‘lgan, rivojlanishda bizdan qanchalik ilgarilab ketganini bilasizmi? Fuqarolari bizga o‘xshab xorijda sarson bo‘lib yurgani yo‘q.
– Qozog‘iston bunga misol bo‘la olmaydi. Qozog‘istonning yeri ko‘p, keyin aholisi ham biznikidan oz.
– Yaxshi, unda sizga boshqa misol, Yaponiya aholisi bizdan to‘rt marta ko‘p, yeri esa biznikidan ancha kichik, yer osti qazilma boyliklari ham yo‘q hisobi. Keling unda Yaponiya bilan solishtiramiz, yoki Janubiy Koreya bilan…
– Xo‘p, maqsadga o‘ting, nima demoqchisiz o‘zi?
– Aytmoqchiman-ki, dunyoda ikki yuzdan ortiq davlat bor, ularni esa bizning yurtboshi boshqarmaydi, shunday bo‘lsa ham hamma joyda tinchlik, hamma joyda farovonlik hukmron. Demak, bizning yurtboshi bo‘lmasa ham tinchlik bo‘laverar ekan, bizning yurtboshi bo‘lmasa ham kimdir chiqib xalqini boshqaraverar ekan. Mana chorak asrdan beri bu kishimga imkoniyat berdik, hech narsani uddalay olmadi, o‘rnini bo‘shatib qo‘yish fursati kelmadimikan?
– Xabaringiz bo‘lmadimi, dollarning kursi qancha bo‘libdi?
– Nima dedingiz???

(texnik nokaut)

Akmal Nabiev,
www.eltuz.com

Tag‘in o‘qing
13 mart 2020
Hafta aylanib, yana sizlar bilan yuzma-yuz bo‘lganimdan mamnunman, azizlar. Hafta ichida kim qadri uchun, yana kimdir qorni uchun yig‘ladi. Kimdir ...
3 aprel 2018
Milliy xavfsizlik xizmatining merosxo‘ri bo‘lgan Davlat xavfsizlik xizmati hali ham muxolifatni mavjud hokimiyatning dushmani deb biladi. DXX raisi Ixtiyor ...
29 oktyabr 2020
Qo‘shni mamlakatlarda bo‘ladigan inqiloblarni xushlamaydigan O‘zbekiston 2010 yil aprelda Qirg‘iziston prezidenti Qurmanbek Baqiev hokimiyatdan chetlatilishini ham sovuq qabul qilgandi.  ...
21 iyul 2017
Farg‘ona viloyati aholisi o‘z yaqinlaridan kelgan jo‘natma pullarni olishga qiynalmoqda. Banklar oldida uzunqator navbatlar hosil bo‘lgan. «O‘g‘lim Rossiyada ishlaydi, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...