Kundalik
25 iyul 2016

Pal sekam yoki mening vidik bilan uchrashuvim

Birinchi vidik rasmini ko‘rganimda fizika matematikaga moslashgan maktabning ikkinchi sinfida o‘qirdim. “Radio” degan jurnalning 1967 yilgi ikkinchi sonini xozir ham olib qo‘yganman.

rasm1701
Bu ikkita g‘altakka videotasma tortilgan ulkan “videotraktor” edi.

Haqiqiy videomagnitofonni fizika o‘qituvchim bilan ekskursiyaga borganim Moskvaning VDNX sidagi ko‘rgazmada ko‘ruvdim.

Lekin baribir “Elektronika-video-591” degan uskunani ko‘rib miyamga g‘alati fikrlar kelgan edi.

“Yalang‘och qizlarni ham tushirsa bo‘ladimi” deb so‘rab fizika o‘qituvchimdan dakki eshitgandim.

Ulg‘ayib maktabda fizika o‘qituvchi bo‘lib olgan ilk maoshim 130 so‘m edi, o‘sha paytda Sovet videomagnitofoni “VM Elektronika-591»”ni narhi 1350 so‘m edi.

Ya'ni 10 oy yemay-ichmay yig‘sam ham “vidik” ola olmasdim. Chunki bu defitsit tovar edi.

Fortsovshiklar (olib-sotarlar) qo‘lida Sharp, JVC, Philips, Funai, Hitachi, Akai, Panasonic, Sony kabi ilk videopleyerlar bor bo‘lib narhi osmonda edi.

Bu mataxni olishga shu qadar ishtiyoqmand bo‘lganim bois yozgi ta'tilda Qirg‘izistondan Moskvaga narkotik yetkazadigan kurer bo‘lishga rozi bo‘ldim.

Ammo o‘zimga va'da berdim. Vidikni sotib olgan zahotim bu ishni to‘xtataman deb.

Men sotib olgan ilk vidik “Panasonic NV-2000” rusumli edi. (Keyin aniq bo‘lishicha, sovetlarning Elektronika-591 videomagnitofoni shu yapon molining plagiat ko‘chirmasi ekan)

Hullas vidikni kattaligi cho‘pon itni iniday bo‘lgan “Gorizont” degan sovet televizoriga uladik.

Fortsovshiklardan katta pulga sotib olgan “Malchishnik” degan kino yozilgan VHS kassetani texnika taraqqiyotiga daxldorlik kabi his tuyg‘udan mast bo‘lib kasseta ichiga tiqib pley degan tugmani bosdim.

Ammo sevgan artistim Tom Xenks ijro qilgan bu kino sovet rangli televizorida oq-qora bo‘lib ko‘rindi.

Fizika muallimi sifatida pal, sekam kabi yoyin tizimidan habardor bo‘lsam ham bu tizimlar o‘rtasidagi to‘qnashuv qurboni bo‘laman deb o‘ylamagan edim.
Oldimda ikki yo‘l bor edi.

1.Pal yoki pal-sekam rusumli televizor sotib olishim lozim edi.
2.Kinolarni oq-qora ko‘rishga rozi bo‘lishim kerak.

Chet el televizorini falon pulga olish uchun yana narkokurer bo‘lishga yuragim dov bermadi va “Grecheskoy smokovnitsы” “A nu-ka, devochka, razdensya” kabi “uyat kinolar”ni ilk bora oq-qora tarzda ko‘rdim.

Ër-do‘stlar menda vidik borligini bilib osh qilib ziyofatga chaqirishar edi.

Videomagnitofonni ulkan chemodanga solib shahar bo‘ylab yurganimda hamshaharlar chemodan ichida vidik borligini va chemodan ko‘targan kishi porno kinolar ko‘rishini aniq bilib menga andishali boqishar edi.

Ba'zan KGB ortimizdan tushgan xollari ham bo‘ldi. Bu endi alohida hikoya

Abduqayum Azimov,
(ismi sharif o‘zgartirilgan)
Nafaqadagi fizika o‘qituvchisi
Eltuz.com

Tag‘in o‘qing
10 oktyabr 2016
Yodnomalarni shoir va yozuvchilar bitsin ekan. Chunki ularning tafakkur doirasi boshqalarnikidan ko‘ra kengroq bo‘ladi. Shu kunlarda marhum prezident Islom ...
8 aprel 2022
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz darajada ko‘tarib yuborgan Qurmonbek ...
10 noyabr 2021
“Eltuz”ga kelgan maktublardan birida 26 oktyabr kuni Farg‘ona viloyati hokimi o‘tkazgan yig‘ilishda paxta terimiga ikki haftalik safarbarlik e'lon qilingani, ...
3 fevral 2018
Prezident Mirziyoev 31 yanvar kuni Milliy xavfsizlik xizmati raisi Rustam Inoyatovni ishdan olishidan sal avval uning ikki o‘rinbosari va ...
Bloglar
7 fevral 2023
Bu odamni etini jimirlatgan dahshatli o‘g‘irlik 2 fevraldan 3 fevralga o‘tar kechasi Vobkentning Xalach qishlog‘ida ...
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...