Asosiy mavzular
6 noyabr 2016

Abdulla Oripovning janozasi amerikada o‘qildi

Shanba ertalab joni uzilgan Abdulla Oripovning janozasi o‘sha kuniing o‘zidayoq Xyuston shahridagi masjidda o‘qilgan. Eltuz.com manbasiga ko‘ra AQShdagi O‘zbekiston elchixonasi xodimlari janozada ishtirok etmagan. AQSh dagi O‘zbekiston elchixonasi xodimlarining dushanba kuni Oripovning yaqinlari bilan uchrashuvi haqida ma'lumotlar bor.

AQSh da vafot etgan O‘zbekiston qahramonining jasadi seshanba kuni O‘zbekistonga olib ketilishini ham Eltuz.com manbalari tasdiqladi. Manbalarga ko‘ra¸ shanba va yakshanba kunlari o‘lik jo‘natishga mutasaddi tashkilotlarning ishlamasligi mayitning O‘zbekistonga yuborilishini paysalga solgan.

O‘zbekiston rasmiy matbuoti va teleradiokanallarida shoirning o‘limi yuzasidan ta'ziya shanba va yakshanba kunlari bildirilmagan. Ba'zi yarim rasmiy internet saytlarini hisobga olmaganda o‘zbek matbuoti shoirning o‘limi haqida ikki kundan beri sukutda.

Ayni paytda shoirning Do‘rmondagi hovlisini Toshkent shahri bilan bog‘lovchi yo‘lda obodonchilik ishlari ketmoqda. Yo‘l asfalt qilinib atroflarga gullar ekilgan.

Eltuz.com manbasiga ko‘ra Oriopvning Toshkentdagi uyiga muvaqqat prezident Shavkat Mirziyoev kelish ehtimoli bois bu ishlar qilinmoqda.

Ayni manbaning aytishicha¸ muvaqqat prezident dohil o‘zbek rasmiylari imzo chekkan rasmiy ta'ziya dushanba kuni televideniya orqali eshittiriladi.

O‘zbekiston qahramoni Abdulla Oripov Toshkentdagi chig‘atoy qabristoniga dafn qilinishi haqida ma'lumotlar bor.

O‘zbekiston Xalq shoiri, O‘zbekiston qahramoni Abdulla Oripov 5 noyabr kuni ertalab AQShning Xyuston shahrida 75 yoshida vafot etgan edi.

O‘zbekiston Tashqi ishlar vazirligi matbuot xizmatining ma'lum qilishicha, vazirlik marhumning oilasi va yaqinlariga samimiy hamdardlik izhor etgan.

“Marhumning jasadini O‘zbekistonga olib kelishga va o‘z vatanida dafn qilishga qaror qilgan Abdulla Oripovning oila a'zolariga yordam berish uchun O‘zbekiston Respublikasining AQShdagi Elchixonasiga konsullik va boshqa masalalarni zudlik bilan hal qilish uchun barcha zarur choralarni ko‘rish to‘g‘risida ko‘rsatma berildi”, deyiladi xabarda.

Ammo boshqa davlat saytlari xamon jim.

Eltuz.com

Tag‘in o‘qing
14 aprel 2020
O‘zbekiston hukumati “Voyaga yetmaganlar va yoshlar o‘rtasida huquqbuzarliklar profilaktikasi tizimini yanada takomillashtirish bo‘yicha chora-tadbirlar to‘g‘risida”gi qonun loyihasini e'lon qildi. ...
22 sentyabr 2020
“Koreys er” qo‘shma korxonasida. – Mening qizimni ham posilka kelin qilib Koreyaga uzat. – Navbatga yoziling! Hammaga ham koreys ...
28 fevral 2018
O‘zbekiston Milliy xavfsizlik xizmati raisining sobiq o‘rinbosari Shuhrat G‘ulomov buyrug‘iga ko‘ra, qamoqxonalarda saqlangan ba'zi siyosiy va diniy mahkumlarni “likvidatsiya ...
29 sentyabr 2017
29 sentyabr ertalab bedarak yo‘qolgani aytilgan 44 yashar jurnalist Bobomurod Abdulla shahar IIB xodimlari tomonidan qo‘lga olingani, biroq MXX ...
Bloglar
27 yanvar 2021
Eltuz qisqa hajviy animatsion filmlar turkumini davom ettiradi. Navbatdagi filmda buldozer daraxtzorni surib tashlaydi va ...
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...