Istanbuldagi terrorchining tasviri ochiqlandi

CNN-Turk kanalida yoyinlangan videoda Istanbuldagi Reina tungi klubiga hujum qilgan kimsaning Istanbul xalqaro aeroporti pasport nazorat bo‘limidan o‘tayotgan payti aks etgan.

Turk matbuoti xabarlariga ko‘ra, hujumchi markaziy osiyolik yoki sharqiy turkistonlik bo‘lishi mumkin. Ba'zi habarlarda esa qotilning Qirg‘izistonlik o‘zbek ekani taxmin qilinmoqda.

Terrorchining kimligi matbuotga sizmadi. Bu paytga kelib IShID ekstremistik guruhi yangi yil kechasi Istanbulda 39 kishi o‘ldirilgan tungi klubga hujum uchun mas'uliyatni o‘z zimmasiga oldi.

Guruh nomidan e'lon qilingan bayonotda aytilishicha, «xalifalik askari nasroniylar bid'at bayramni qutlayotgan klubga hujumni amalga oshirgan».

Istanbuldagi Reina tungi klubidagi hujumda 39 kishi halok bo‘lgan, 69 odam yaralangan,

Hujumchi yashirinishga muvaffaq bo‘lgan, politsiya qidiruv amaliyotlarini olib bormoqda.

Turk politsiyasi Istanbulning Zaytunburni mavze'sidagi o‘zbek muhojirlari yashaydigan mahallada reyd o‘tkazgani haqida Eltuz.comda ma'lumot bor. Bu ma'lumotga ko‘ra dushanba kechquringi holatda, 12 kishi qo‘lga olingan.

Ayni paytda, Eltuz manbasiga ko‘ra Zaytunburni Nuriposhsho mahallasidagi omborni politsiya bosgan.

Terrorchining do‘sti bo‘lgan bir yoshroq yigitning derazadan sakrab qochgani haqida gaplar bor.

Prezident Shavkat Mirziyoev Turkiya Prezidenti Rajab Toyyib Erdo‘g‘onga Istanbuldagi hujum yuzasidan hamdardlik yo‘lladi.

Eltuz muxbiri voqea joyidan xabarlar yo‘llamoqda

Eltuz.com