Verka Serdyuchka O‘zbekistonda yangi yilni nishonladi

Ukrain xalq artisti, “Verka Serdyuchka” taxallusi bilan sharaflanadigan 44 yashar Andrey Mixaylovich Danilko yangi yilni Toshkentda qutladi.

Danilko Toshkentdagi boy xonadonlarning archa bayramiga birrov kirib chiqib yaxshigina pul ishlagani aytiladi.

Shuningdek, “Verka Serdyuchka” O‘zbekistondagi koreys diasporasining Yunusobod bo‘limi uyushtirgan archa bayramida ham qatnashdi.

Bayramda qatnashganlar va umuman toshkentliklar Eltuz muxbiri bilan suhbatda “Verka Serdyuchka” bilan uchrashish va selfi tushish baxtiga muyassar bo‘lganidan shukronalar aytishdi.

Ayni paytda Verka Serdyuchka obrazini korporativlar Toshkentdagi parodiya teatri akterlari yaratayotgani haqida ham gap so‘zlar bor.

“Verka Serdyuchka” toshkentliklar muhabbatiga noil bo‘lgan bir paytda Andijonda qorqiz kiyimini kiygan erkak kaltaklangani videosi tarqalgan edi.

Andijonda xo‘rlangan «qor qiz»

Qo‘l telefoniga olingan videotasvirda so‘zlashuv normatividan yiroq gaplar bor va unda erkaklar tarafidan uyat so‘zlar, seksizm, zo‘rovonlik, gomofobiya unsurlari aks etgan.

Kadrda bir gala erkaklar «qorbobo»ni o‘tkazib yuborib, «qorqiz»ni o‘rab olishadi va urib, tepib haqorat qila boshlashadi.

Ijtimoiy tarmoqda qoldirilgan izohlardan, buning oddiy biznes ekani, O‘zbekistonda har yili yangi yil kirishi bilan qorbobo va qorqizga ehtiyoj borligini bilish mumkin.

O‘tgan yili O‘zbekistonda qorqizlar zo‘rlangani haqidagi gapdan keyin, qorqiz roliga qiz talabgorlar yo‘qligi bois, bu rolni ham bu yil ko‘proq erkaklar o‘zlariga olishgan edi.

Bu voqea munosabati bilan ayrim yuzerlar o‘tgan asr boshlaridagi o‘zbek teatr truppalarida ham ayollar yetishmagani uchun, ular rolini erkaklar o‘ynashga majbur bo‘lishganini, o‘shanda ham ular ayrim tomoshabinlar qahriga duch kelishganini eslashdi.

Eltuz.com