Asosiy mavzular
25 yanvar 2017

Farg‘ona. Bir haftada to‘rtta bosqinchilik

Farg‘ona viloyatining tuman IIB idoralaridan birida ishlovchi Eltuz manbasiga ko‘ra, ba'zida guruh bo‘lib, ba'zida yakka tartibda uylarga kirayotgan o‘g‘ri va bosqinchilarni topish oson kechmayapti.

«Bir haftada to‘rt marta o‘g‘irlik haqida ma'lumot oldik, – dedi tuman IIBlaridan birida ishlovchi manba.

Uning bildirishicha, kollej direktorining uyidan 6 million so‘m o‘quvchilardan kitobga deb yig‘ilgan pul va tilla taqinchoqlar yo‘qolgan.

Yana bir savdogar ayolning uyidan ham qimmatbaho buyumlar olib chiqib ketilgan, bir holatda o‘g‘ri hech narsa olmasdan chiqib ketgan, uy egasi vaqtida qo‘shnilarini chaqirishga ulgurgan.

«Toshkentning “Abu Saxiy” bozorida do‘koni bor ayolning kelini va uch nafar nabirasini talonchilar bog‘lab qo‘yib, uyidagi tilla buyumlarni olib chiqib ketgan. Bosqinchilik va talonchilik qilganlar yetti kishi ekan, olib borilgan tezkor qidiruv ishlaridan keyin ular topildi», – dedi boshqa bir IIB xodimi.

Ammo ko‘p hollarda bosqinchilik va o‘g‘irlik jinoyatlari ochilmay qolayapti. Eltuz bilan suhbatlashgan manba, buning hammasiga ishsizlik va ish haqining ozligi sababligini aytadi.

«Yosh yigitlar ishsiz. Bor ishlarda esa oylik qoniqarli emas. Ba'zilar esa Rossiya va boshqa davlatlardan deportatsiya bo‘lganlar. Ular chetga chiqib ketolmaydi, bu yerdagi oylikka esa ularning ishlagisi kelmaydi. Shuning uchun o‘g‘irlik va bosqinchilik, talonchilik ko‘paymoqda», – deya so‘zlarini yakunladi IIB xodimi.

Nasima Davron qizi
O‘zbekistonlik muallif tahallusi
Eltuz.com

Tag‘in o‘qing
11 oktyabr 2016
Majburiy mehnat monitoringi bilan shug‘ullanayotgan «Qo‘rqmaslar» guruhi faoli Maloxat Eshoqulovaning eltuz.com muxbiriga bergan intervyusiga ko‘ra, ularni cho‘l zonasidagi «Qirlishon» ...
15 sentyabr 2017
15 sentyabr kuni Toshkentdagi «Zeroline» galereyasi «Qochish» (Pobeg) deb nomlangan tasviriy san'at ko‘rgazmasida, mamlakatni tark etgan rassom Shuhrat Bobojon ...
15 yanvar 2019
Samarqandga tashrifi chog‘ida O‘zbekiston prezidenti Shavkat Mirziyoev yangi soliq siyosati doirasida joriy yil yakuni bo‘yicha respublikada 5,5 trln so‘m ...
28 may 2020
Bosh prokuratura koronavirus tarqalishi silsilasini aniqlash oson bo‘lishi uchun fuqarolardan kundalik tutishni so‘raganida ba'zilar buni kulgiga oldi. Internetda hazil ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...