Catira
17 may 2017

Shahrixonda ommaviy zaharlanish. Voqea guvohining sharhi

Andijon viloyati Shahrixon shahri va tumanida 15 may kuni yuzlab bemorlar zaharlanish tashxisi bilan kasalxonaga yotqizilgan. Ozodlik radiosi ma'lumotiga ko‘ra, seshanba kuni 182 kishi muzqaymoqdan zaharlanib klinikaga keltirilgan.

Eltuzga o‘z maqolasini yuborgan Nargiza Oripova tahallusi bilan maqolalar yozadigan shahrixonlik blogger muzqaymoqdan zaharlanganlar soni kamida 550 nafar ekanini va ommaviy zaharlanish ikki kun mobaynida sodir bo‘lganligini aytadi.

Unga ko‘ra, o‘z vaqtida bartaraf qilinishi mumkin bo‘lgan intsident yuqumli kasalliklar shifoxonasida navbatchi vrach bo‘lmagani bois keng ko‘lam kasb qilgan.

Eltuz tahririyati shahrixonlik blogger maqolasiga rassom tuz karikaturasini ilova qilgan holda e'lon qiladi.

Shahrixondagi zaharlanish navbatchi shifokor yo‘qligi uchun ommaviy tus oldi

Shahrixon kabi bor yo‘g‘i 70 ming odam yashaydigan shaharchada nega 500 dan ziyod kishi muzqaymoqdan zaharlandi? Nega zaharlanish alomati ma'lum bo‘lgan ilk soatdayoq buning oldi olinmadi?

Bu savollarga oddiy shahrixonlik sifatida javob izlayman. Bu javobimni Shahrixon kasalxonasida o‘lim bilan olishayotgan 550 bemor kutmoqda. Bemorlar orasida ayollar va norasida go‘daklar ancha.

Albatta birinchi aybdor bu aynigan muzqaymoq sotgan tujjor. U qaysi amaldor soyasida bo‘lsa ham javob berishi kerak.

Ikkinchi aybdor esa kasallik tarqalishiga yo‘l qo‘yib bergan tuman tibbiyot birlashmasi boshlig‘i Shuxrat Aminjonov deb hisoblayman. Yaqinda Sog‘liqni saqlash vaziri tarafidan emas, balki mavjud qoidaga zid tarzda viloyat hokimi tarafidan tayinlangan Aminjonov tuman yuqumli kasalliklar bo‘limidagi navbatchi vrach shtatini qisqartirdi.

Mening fikrimcha, kasallik tarqalishiga asosiy sabablardan biri ham shu.

Chunki navbatchi shifokor bo‘lganida u birinchi bemor murojat qilishi bilanoq tezkor bildirish berib kasallik manbai bo‘lgan muzkaymok tarqalishini to‘xtatardi, lekin shifokor yo‘qligi sababli shanba kuni soat 15:00 dan dushanba kuni 8:00 gacha tumanda epidemiologik vaziyat umuman nazoratsiz kolib ketgan.

Agar shifokor bo‘lganda 6 ta yoki 10 bemor zaharlanardi holos.

Hozir esa deyarli 2 sutka kasallik nazoratsiz qolib juda ko‘p tarqalib ketdi. Ikki sutka davomida Shahrixonda zaharli muzqaymoq sotildi.
Ëng‘indan so‘ng, nasos falonimga kerakmi deydilarku. Hozir MChS kelganidan ko‘ra, kasallikning vaqtida oldini olgan ma'qul edi.

Shaxsan men Shuhrat Aminjonov voqeaga panja orasidan qarab Shahrixon xalqining salomatligini xatar ostiga qo‘ydi deb o‘ylayman.

Bundan tashqari statistik ma'lumotni kamaytirib ko‘rsatish maqsadida Shuhrat Aminjonov, shifoxonaga murojaat qilganlarni tezroq uyga ketkazinglar, deb topshiriq berdi.

Shu sabab bitta bemor qayta-qayta shifoxonaga kelaverdi va aksincha murojaatlar soni ko‘payib ketdi va xalq qiynaldi to‘liq davolana olmay.
Ba'zi mulozimlar aytganidek, muzqaymoqdan zaharlanganlar soni kamayayotgani yo‘q.

Xozirgacha murojaatlar davom etmoqda. Viloyat markazidan kelgan shifokorlar shu yerda va toshkentlik mehmonlar ham shu yerda, tomoshabin bo‘lib o‘tirishibti hech narsa qilmay.

Bosh vrach Shuhrat Aminjonov bemorlarga qarash o‘rniga choyxonama-choyxona mehmondorchilikdan boshi chiqmayabti mehmon kuzatib.

Shu kunlarda vrachlarni tanqid qilish urf bo‘lgan. Ammo men shaxsan vrachlarni hurmat qilaman. Ammo Aminjonov kabi so‘nggi 15 yil ichida faqat tadbirkor bo‘lib ishlagan “shifokor”ga el salomatligini ishonish maymunning qo‘liga granata bergan kabi xatarli.

Nargiza Oripova
Shahrixonlik bloggerning tahallusi

Tag‘in o‘qing
4 iyun 2016
Mashxur o‘zbek xonandasi, Rossiyaning «Golos» shou yulduzi Nargiz Zokirova (44) 2 iyun kuni o‘zining italiyalik eri Filipp Baltsano bilan ...
1 oktyabr 2016
O‘zbekistonning bir qancha viloyat va tumanlarida, shuningdek, Qoraqalpog‘istonda bu yil 18 yoshga yetmagan bolalar paxtaga chiqarilganini eltuz.com o‘z manbalari ...
4 may 2018
Turkiya prezidenti Rajab Toyyib Erdo‘g‘on 30 aprel kungi tashrifi chog‘ida so‘zlagan nutqida O‘zbekistonni o‘z ota yurti deya ta'rifladi. «Ota ...
20 iyul 2018
Nukus muzeyida 16 iyulga o‘tar kechasi zanglagan quvurdan oqqan suv mashhur futurist rassom Aleksandr Shevchenkoning «Chelak ko‘targan ayol» rasmiga ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...