A'zam Farmonov qamoqdan ozod etildi

3 oktyabr kuni, o‘n yildan ortiq hibsda saqlangan sobiq inson huquqlari faoli 38 yashar A'zam Farmonov qamoqdan ozod etildi.

Sobiq mahkumning umr yo‘ldoshi Ozoda Yoqubova bilan soat 14:15 da gaplashgan «Eltuz» muxbiri, A'zam Farmonovning huquq himoyachisi Abdurahmon Tashanov hamrohligida uyiga qaytayotganini bildi.

«Quloqlarimga ishonmayman, sabrsizlik bilan kutib o‘tiribman» dedi erini o‘n yildan ortiq kutgan Ozoda Yoqubova.

O‘zbek kontslageri deb nom chiqargan “Jasliq” qamog‘ining sobiq mahkumi A'zam Farmonov 2006 yilning 29 aprelida hibsga olingan edi.

O‘zbekiston inson haqlari jamiyatining Sirdaryo viloyat bo‘limi raisi bo‘lgan A'zam Farmonov, o‘z hamkasblari fikriga ko‘ra, qaynatasi Tolib Yoqubovning ijtimoiy faoliyati sabab qamalgani aytiladi.

Rasman esa u 300 dollarga yaqin miqdordagi “ta'magirlik”da ayblanib, 9 yil ozodlikdan mahrum etilgan edi.

2015 yil aprelida uning muddatiga tag‘in besh yil qo‘shib berilgan, Xalqaro Amnistiya tashkiloti A'zam Farmonovni vijdon mahkumi deb e'tirof etgan edi.

Eltuz.com