Document UZ
5 mart 2018

Muhammad Bekjon sudlanuvchi jurnalistning onasiga dalda berdi

Bobomurod Abdullaevning sudi bo‘yicha «Eltuz» nashri olgan so‘nggi ma'lumotga ko‘ra, sobiq siyosiy mahkum Muhammad Bekjon qamalgan hamkasbining oilasiga dalda berish va sudda qatnashish uchun Xorazmdan kelgan. Biroq sud 7 martga qoldirilgan

Jinoyat ishlari bo‘yicha Toshkent shahar sudida 5 mart kuni jurnalist Bobomurod Abdullaev, bloger Hayot Nasriddinov, shuningdek, tadbirkorlar Ravshan Salaev va Shavkat Olloyorovning sudi bo‘lishi kutilayotgan edi.

Toshkentdagi faollar, xorijiy diplomatik korpus vakillari, Abdullaev, Nasriddinov, Saloev va Alloyorovning yaqinlaridan iborat 50 tacha odam 5 mart kuni ertalabdan sud binosiga kelishgan edi.

3 mart kuni Bobomurod Abdullaev o‘zi bilan uchrashgan advokat Sergey Mayorovga tergovda sodir etilgan qiynoq tafsilotlarini gapirib bergan edi.

Uning advokatga bildirishicha, bir metr uzunlikdagi plastik quvur va kompyuter shnuri bilan yelkasiga, chap qo‘liga va oyog‘iga urilgan.

Olti sutka davomida uxlashga imkon berilmagan, 3 kun davomida Bobomurod bir kishilik kamerada qip yalang‘och holda saqlangan.

Shuningdek, u O‘zbekistonning amaldagi ichki ishlar vaziri Po‘lat Bobojonovga va yaqinda MXX raisi etib tayinlangan Ixtiyor Abdullaevga qarshi ko‘rsatma berishga majburlangan.

Bobomurodning ta'kidlashicha, bu ko‘rsatmalar qiynoq ostida berilgan va haqiqatni aks ettirmaydi. Aslida u bu ikki mulozim bilan hayoti davomida umuman uchrashmagan.

«Suhbatning videoga olinayotganini tushunganim uchun Bobomurodga javoblarni qog‘ozga yozib berishi mumkinligini aytdim. U qalam bilan javoblarni yozib turdi. Keyin qog‘ozlarni mayda qilib yirtib tashlayotganimda tezkor xodim kirib, qog‘oz qiymalarini to‘plab, o‘zi bilan olib ketdi», dedi Sergey Mayorov.

Bobomurod Abdullaev Milliy xavfsizlik xizmati xodimlari tomonidan shu yilning 27 sentyabrida o‘g‘irlab ketilgan.

Oradan uch kun o‘tib, uning hokimiyatni ag‘darishga urinishda ayblanayotgani ma'lum bo‘lgan edi.

«Eltuz» nashri Abdullaevning sudi bilan bog‘liq jarayonni kuzatishda davom etadi.

Eltuz.com

Tag‘in o‘qing
15 fevral 2017
13 fevral kuni jazoni o‘tash muddati tugagani ortidan 69 yoshli Rustam Usmonov qamoqdan chiqarildi. Millioner Rustam Usmonov 1998 yili ...
4 aprel 2015
Islom Karimovning jirkanish hissini ko‘proq qo‘zitish uchun, Shvetsiyada yashovchi jurnalist Qudrat Bobojonov, qo‘liga supurgi olib Stokholm ko‘chalarini supura boshladi. ...
16 mart 2017
Medvedevga sovg‘a qilingan  muhtasham qasr hikoyasi Navalniy hisoboti markazidan o‘rin oldi. Ma'lum bo‘lishicha, Rossiya bosh vaziriga yaqinligi aytilayotgan jamg‘armaga ...
27 mart 2019
27 mart kuni o‘zbekistonlik aralash janglar ustasi Murod Xonto‘raev uchinchi bor pichoqlandi. Sportchining jarohati jiddiy emasligi bildirildi. Xonto‘raev dastlab ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...