Asosiy mavzular
25 aprel 2018

RSF: O‘zbekiston matbuot erkinligi bo‘yicha bu yil to‘rt pog‘ona ko‘tarildi

«Chegara bilmas muxbirlar» (RSF) tashkiloti 25 aprel kuni e'lon qilgan 2018 yilgi matbuot erkinligi indeksida O‘zbekiston o‘tgan yilgi 169-o‘rindan 165-o‘ringa ko‘tarildi.

Tashkilotning bu yilgi hisobotida O‘zbekiston o‘z qo‘shnisi, hamon 178-o‘rinda qolayotgan Turkmanistondan oldinga chiqdi.

Biroq O‘zbekiston Markaziy Osiyodagi qolgan uchta davlat – Qirg‘iziston (98), Tojikiston (149) va Qozog‘iston(158)dan hamon ortda qolmoqda.

Matbuot erkinligi tadqiq etilgan hisobotda O‘zbekiston 180 mamlakat oxiridan 15-o‘rinda turibdi. Indeksdagi birinchi o‘rinni Norvegiya, oxirgi o‘rinni esa Shimoliy Koreya egallagan.

«Hali ko‘p ish qilinishi kerak», deyiladi hisobotning O‘zbekiston reytingiga bag‘ishlangan bo‘limida.

«Jurnalistikaga nafrat demokratiyaga tahdid solmoqda» deb nomlangan RSF hisobotiga ko‘ra, 2016 yil avgustida prezident Islom Karimov o‘limidan so‘ng O‘zbekiston tarixida yangi davr boshlangan.

«Karimov diktator sifatidagi 25 yillik iqtidori davomida tsenzurani mustahkamlash va mustaqil jurnalistlarni ta'qib qilishdan hech to‘xtamadi. Uning vorisi, sobiq bosh vazir Shavkat Mirziyoev inson huquqlari vaziyatini yaxshilashga va'da berdi, taniqli jurnalistlar qamoqdan ozod etildi», deyiladi hisobotda.

Biroq «Chegara bilmas muxbirlar»ga ko‘ra, kamida uch nafar jurnalist va blogger hibsda qolmoqda, jumladan, ularning uchtasi 2017 yil qamoqqa olingan. Hibsga olinganlar ularga qiynoqlar qo‘llanilganini bildirishgan.

So‘nggi paytlarda repressiv tizimning bo‘shashgani sezilsa-da, «Farg‘ona», «Ozodlik» kabi ayrim saytlar O‘zbekistonda ilgarigidek to‘silganicha qolgani bildiriladi hisobotda.

O‘zbekistonda, shuningdek, o‘qilishi istalmagan saytlar qatorida «Eltuz» nashri ham mahalliy provayderlar tomonidan to‘sib qo‘yilgan.

Eltuz.com

Tag‘in o‘qing
25 yanvar 2019
Tojikiston rasmiylari 2018 yilning boshida qabul qilingan qaror asosida TV orqali nafaqat seks, balki o‘pishish va quchoqlashish sahnalarini ham ...
26 yanvar 2016
O‘zbek qo‘shiqchisi Nargizning shanba kuni rus millatchi ayollarinig hujumiga uchrashiga ijtimoiy tarmoqdagi qadimchi o‘zbeklar hamdardlik bildirishmadi. Aksincha tarmoqlardagi muhofazakor ...
8 mart 2023
Klara Tsetkin xotin-qizlar huquqlarini himoya qilish bo‘yicha faol kurashchi edi. Uning ismi Xalqaro xotin-qizlar kunini nishonlash bilan uzviy bog‘liqdir. ...
20 iyun 2019
Prezident matbuot xizmati 20 iyun kuni bosh prokuror Otabek Murodovning ishdan olingani, uning o‘rniga ilgari Senat raisi bo‘lgan Nig‘matulla ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...