• Foto: Jamshid haqida "Adabiyot" gazetasi maqola chop etgandi
Asosiy mavzular
4 may 2020

Qamoq muddati besh marta uzaytirilgan diniy mahbus ozod qilindi

Yigirma bir yilni qamoqda o‘tkazgan buxorolik 43 yashar Jamshid Vosiev bugun, 4 may kuni ozod etildi. Bu haqda uning qarindoshi «Eltuz»ga xabar berdi.

Toshkentdagi 1999 yil 16 fevral portlashlaridan keyin hibsga olinib, konstitutsion tuzumga tajovuz va diniy ekstremistik tashkilotga a'zolikda ayblangan Vosiev 11 yilga qamalgan edi.

Jamshid Vosievning qamoq muddati «jazoni ijro etish muassasasi ma'muriyatining qonuniy talablariga bo‘ysunmaslik» sababi bilan turli yillarda besh marta uzaytirilgan.

Oxirgi marta Zarafshon shahri sudining 2017 yil 16 maydagi hukmi bilan uning jazo muddatiga 3 yil qo‘shib berilgan.

Shu yilning mart oyida BMTning O‘zbekistondagi inson huquqlariga bag‘ishlangan sessiyasida muttasil jazo muddati uzaytirib kelingan Jamshid Vosiev nomi tilga olingani haqida «Eltuz» xabar bergan edi.

BMT Inson huquqlari qo‘mitasi eksperti P.Pazartis (Pazartis) O‘zbekiston delegatsiyasi oldida quyidagi savollarni qo‘ygan:

«Yaqinda din erkinligi bo‘yicha maxsus ma'ruzachiga O‘zbekiston Respublikasi Jinoyat-protsessual kodeksining 221-moddasiga asosan qamoq muddati uzaytirilgani haqida xabar keldi. “Qamoqda o‘zini tutish qoidalari” bilan tanishish uchun ular qaerdadir rasmiy shaklda chop etilganmi? Nima uchun bu xavotirlarni vujudga keltiradi? Bizga 1999 yil fevral oyida Jinoyat kodeksining 159-moddasi bo‘yicha 11 yilga ozodlikdan mahrum qilingan janob Jamshid Vosiev haqida aytishdi. Uning qamoq muddati o‘zini tutish qoidalarini besh marta buzganligi uchun uzaytirildi. Oxirgi marta 2017 yil may oyida uzaytirilgan. U 2020 yil may oyida ozodlikka chiqishi kerak. Ammo uning qarindoshi “o‘zini tutish qoidalarini buzganligi sababli” qamoq muddati yana uzaytirilishi mumkinligidan xavotirga tushmoqda».

Eltuz.com

Tag‘in o‘qing
5 fevral 2019
Bir vaqtlar qadimiy Rim saltanatining targ‘ibot-tashviqotchilari sifatida voizlar va faylasuflar imperiyaning ravnaq topishida katta hissa qo‘shgan. Aristotel va Suqrotning, ...
21 mart 2017
Farg‘onadagi o‘rta maktabning birinchi sinf o‘quvchilariga dars paytida qo‘l ko‘tarib haqoratlagan o‘qituvchi ayolga nisbatan jinoyat ishi qo‘zg‘atilgan. Mart boshida ...
15 aprel 2020
Joriy yilning apreli boshidan Toshkent ko‘chalarida BTRlarda yurib, karantin bois karnaylar orqali aholini uyda qolishga da'vat etish boshlandi. Biroq ...
12 yanvar 2021
Eltuz qisqa hajviy animatsion filmlar turkumini davom ettiradi. G‘isht, qum va tsement aybdor! Yoki «Armaturalar ham yig‘laydi» Bugungi film ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...