Catira
5 may 2020

IIV o‘z xodimlarini haqorat qilgan Yulduz Usmonovaga chora ko‘rilishini bildirdi

Xalq artisti Yulduz Usmonovaning xatti-harakatlari va ichki ishlar xodimlarini haqoratlagani yuzasidan ma'muriy ishlar bo‘yicha Mirzo Ulug‘bek tumani sudi shug‘ullanmoqda.

Yulduz Usmonovaga nisbatan Ma'muriy javobgarlik to‘g‘risidagi kodeksning 41-moddasi (haqorat qilish) yoki 183-modda (mayda bezorilik) bilan ish ochilgan.

4 may kuni Ichki ishlar vazirligi Yulduz Usmonova ishtirokidagi videotasvir yuzasidan bayonot berib, «jamiyatda yurish-turish qoidalarini qasddan mensimagan» xonandaga qonuniy chora ko‘rilishi haqida bildirgan edi.

«Yu.Usmonova barcha ichki ishlar organlari xodimlarini uyatli so‘zlar, obro‘sizlantiruvchi uydirmalar va beodoblik bilan qasddan haqorat qilgan», deyiladi IIV bayonotida.

Yulduz Usmonovaning ichki ishlar xodimlariga malomatlari 2 may kuni Toshkentda Sardoba to‘g‘oni yorilishi jabrdiydalariga gumanitar yordam yetkazib berish ishlariga bosh-qosh bo‘layotgan paytda videoga yozib olinib, xonandaga tegishli kanallar orqali tarqalgan.

Ko‘p o‘tmay xonanda kechirim so‘ragani aks etgan videosini e'lon qildi, biroq bu Ichki ishlar vazirligining unga chora ko‘rilishi haqidagi qat'iy bayonoti chiqishiga monelik qilmadi.

«Mazkur holat yuzasidan Toshkent shahri IIBB tomonidan madaniyat xodimi nomiga dog‘ tushirgan, jamiyatda yurish-turish qoidalarini qasddan mensimagan, ichki ishlar organlari xodimlari sha'ni va qadr-qimmatini kamsitishga harakat qilgan fuqaro Yu.Usmonovaning xatti-harakatlariga huquqiy baho berish maqsadida surishtiruv ishlari amalga oshirilmoqda.

Ish yakuni bo‘yicha holatga oydinlik kiritilib, aybdorlarga qonuniy tartibda chora belgilanadi», deyiladi IIV bayonotida.

O‘zbekiston xalq artisti Yulduz Usmonova instagramdagi “jonli yoyin”da ichki ishlar xodimlari xalqning qiyin kunida asqotmayotganidan nolirkan, ularga qarata: “hozir Karimovning davrida yashamayapsizlar har kuni klizma olgani”, deya o‘shqirgan edi.

O‘zbekiston Madaniyat vazirligi “jonli yoyin”da militsiyani keskin tanqid qilgan xonanda Yulduz Usmonovaga e'tiroz bildirdi.

“Yurtimizga kelgan sinovlar paytida Yulduz Usmonova tomonidan bildirilgan fikrlar noo‘rindir, shuningdek, san'atkorning xabari bo‘lmasa kerak, ikki oy davomida o‘z oilasi va uyiga hattoki bormayotgan ichki ishlar xodimlari ijtimoiy tarmoqlarda nolishayotgani yo‘q”, deyilgan vazirlik xabarnomasida.

Eltuz.com

Tag‘in o‘qing
4 iyun 2018
O‘zbekistonning 90 foiz bozorini egallagan qo‘shma korxona shaklidagi “O‘zBAT” aktsiyadorlik jamiyati 2017 yil yakunlari bo‘yicha 1 trillion so‘mdan ortiq ...
5 aprel 2016
3 aprel kuni O‘ktam Pardaev uyining darvozasi oldida, oq rangdagi, nomeri 25 B 239 BA bo‘lgan «Jiguli» rusumidagi avtomobil ...
14 oktyabr 2021
Dastlab bolsheviklar Yosh buxoroliklar, jadidlarning kommunistik partiyaga qo‘shilgan a'zolaridan iborat Buxoro Xalq Sovet Respublikasini tuzdilar.  Bu respublika rahbarlaridan biri ...
6 sentyabr 2016
Singlim kichkina rahbar. To‘g‘risi O‘zbekistonda porasiz, ilmi, ma'rifati va odamgarchiligi tufayli tayinlangan sanoqli bog‘cha mudiralaridan. Kechasi ikkida hokimlikdan telefon ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...