Ko‘zqarash
24 sentyabr 2020

Aziza Umarova: Bir oilaga ikki gektar yer berilsin

So‘nggi paytlarda mendan endi migrantlarning taqdiri qanday bo‘lishi haqida tez-tez so‘rashmoqda. Ayrimlar Rossiyadan qaytayotgan ishsiz erkaklar oqimidan ochiqchasiga hayiqmoqda.

Kimlardir mehnat migratsiyasi muammolarining asosiy sababini Yevroosiyo iqtisodiy ittifoqiga qo‘shilish uchun deb biladi.

Mening fikrim qanday?

Hukumat oxir-oqibat eng muhim, taqalib qolgan, doim ortga surilgan irodali qarorni qabul qilishi shart.

Bu – yer islohoti!

Zudlik bilan mexanizmni ishlab chiqib, qishloq joylarga qaytib kelgan migrantlarning xususiy mulkiga xo‘jalik yerlarini ajratib berish kerak.

Bir oilaga ikki gektardan to‘g‘ri keladi. Janubi-sharqiy Osiyodagi ko‘plab mamlakatlarda bo‘lgani kabi. Nimani ekish va qaerga sotishni hal qilishga doir to‘liq erkinlik bilan. Fermer xo‘jaliklariga yordam berish uchun davlat imtiyozli kreditlar ajratishi, qayta ishlashga yordam berishi (qo‘shilgan qiymat zanjiri) va kelajakda eksportni rivojlantirishga ko‘maklashishi lozim. Lekin buyruq bermang.

Aholi zichligi va migrantlar sonini inobatga olgan holda bu ishni Farg‘ona vodiysidan boshlash kerak.

Bu 100% yutuq. Qishloq xo‘jaligi yerlari bilan bog‘liq barcha narsalar (imtiyozli kreditlar, yerga oid shubhali bitimlar, hokimlarning zaxiralari, yoqilg‘i-moylash materiallari, o‘g‘itlar, sug‘orish suvi, mexanizatsiyalash va boshqalar) borasidagi korruptsiya keskin kamayadi.

Eng muhimi, uzoq yillardan so‘ng migrantlar o‘z oilalari – ota-onasi, turmush o‘rtog‘i va farzandlari bag‘riga qaytish imkoniyatiga ega bo‘ladi. Biz nihoyat ijtimoiy yetimchilik va jamiyatdagi barbod bo‘lgan tizimga barham beramiz.

Yerni o‘zining haqiqiy egalariga topshirish lozim.

Aziza Umarova

Smartgov Consulting kompaniyaning ijrochi direktori. Feysbuk sahifasidan olindi

Tag‘in o‘qing
22 iyun 2020
Yevropadagi eng nufuzli gazetalardan biri, Tsyurixda chop etiladigan Neue Zürcher Zeitung o‘tgan haftada o‘zbek paxtasi, majburiy mehnat va O‘zbekiston ...
15 mart 2016
Buxoro viloyati davlat sanitariya va epidemiologiya markazi sertifikat berish bo‘limi mudiri Hoji Safarov pora bilan ushlandi. “Huquq” gazetasi xabariga ...
27 fevral 2021
26 fevral kuni tuzilajak «Haqiqat va taraqqiyot» sotsial- demokratik partiyasi tashabbuskori, iqtisod fanlari doktori Xidirnazar Allaqulov uyidan kuch ishlatar ...
4 may 2020
Avstraliyaning The Daily Telegraph gazetasi “Besh ko‘zli” (Unga AQSh, Avstraliya, Yangi Zelandiya, Kanada va Buyuk britaniya kiradi) razvedka ittifoqi ...
Bloglar
10 may 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov klasterlar ...
6 may 2021
1881 yilning 6 mayida Mixail Skobelev boshchiligidagi rus kolonizatorlari Xiva xonligiga qarashli Axaltaka viloyatini okkupatsiya ...
29 aprel 2021
Feminizm deya og‘izlaringning ikki chetida tupuk yaltirab tirjayasizlar, o‘zlaringcha iyaklaringni ko‘tarib kinoya qilasizlar, go‘yo bizning ...