UzPoster
11 sentyabr 2019

Aktam Hayitov: «Biz ko‘p go‘sht yemoqdamiz!»

Toshkentda 10 sentyabr kuni o‘tgan matbuot anjumanida respublika fermerlar kengashi raisi Aktam Hayitov mamlakatda go‘sht qimmatlayotgani sababini go‘shtning ko‘p iste'mol qilinayotgani bilan izohladi.

«Go‘sht narxi nega qimmatlab ketyapti deb o‘ylaysizlar? To‘g‘ri, ozuqa yetishmasligi birinchi sabab, ikkinchidan, bugun biz juda ko‘p go‘sht iste'mol qilyapmiz. Shunchalik ko‘p go‘sht yemoqdamizki, buning natijasida ko‘pgina kasalliklar paydo bo‘lyapti. Buni «Amerika kasalligi» deyishadi, bu kasallik menda ham bor, hammamizning tanamizda ortiqcha go‘sht bor», dedi Aktam Hayitov.

Uning gapi feysbuk tarmog‘i faollari kulgusiga sabab bo‘ldi va memga aylandi:

Hamza Ali: «Mana bir «aqlli»…!😎 Biz go‘shtni kup istemol qilarkanmiz!??? Odamlar haftasiga oladigan ikki kilo gushti bir kiloga tushganiga ancha buldi. 🔉 Umuman go‘sht yemasak, Sizlar to‘yasizlarmi??? 😎🤣🤣🤣»

Anvar Mustafo: «Amaldorning «Biz juda ko‘p go‘sht yemoqdamiz» degan gapini o‘qib har qanday oddiy odam «Bizchi?!» desa kerak. Umuman olganda go‘shtning qimmatligi sababini shunga bog‘lash juda sharmandali holat. Istagan shifokordan so‘rang, qishloqlarda kamqon bo‘lmagan ayol yo‘q hisobi. Vitamin yetishmasligidan bolalar uchun davlat bepul multivitaminlar tarqatishga majbur bo‘lyapti. Bu kishim esa «ko‘p go‘sht yeyapmiz» deydiee».

Muyassarxon To‘xtasinova: «Bozorlarda go‘shtni narxini 38000- yozibdi ammo 55000-60000dan kamiga sotishmayapti. bu ko‘zbo‘yamachilik kimga, nimaga kerak??? Yuqoridagi amaldorlar hotirjam bo‘linglar go‘sht yemay qo‘yganmiz, chunki pulimiz yetmayapti. Sizlar tufayli non xam yeyolmasak kerak».

Oksana Rogojka: Balkim bizlar nafas ham ko‘p olayotgandirmiz, bo‘ynimizga schetchik qo‘yib bersin tarif bilan, oyiga qancha nafas olish kerak deb…»

Abduaziz Xikmatov: Shu hafta qaysi ahmoq chellendj qilarkana, deb kutgan edim…ISSLYeDUUYuYuЩЩIIIIYYY!!??»

Ijtimoiy tarmoqlar bo‘ylab yog‘ilayotgan ko‘plab izohlar orasidan «Eltuz» fermerlar kengashi raisi Aktam Hayitovni qo‘llovchilarni ham izladi. Lekin ularning o‘ta kamchilikni tashkil qilishi yoki rasmiyatchilikdan nariga o‘tishmayotgani ma'lum bo‘ldi.

Eltuz.com

Tag‘in o‘qing
17 iyun 2020
Menga berilgan qamoq jazosining tugashiga sanoqli kunlar qolganida, ya'ni yanvar oyi o‘rtalarida yonimga Antonenkoning chopari keldi va SPP Antonenko ...
28 aprel 2017
Toshkent propiskasiga kirish uchun rasmiy ro‘yhatdagi hujjatlarni yig‘ishga vaqtincha poytaxtda bo‘lish muddati ham yetmasligi haqidagi maqolani chop etgan Kun.uz ...
28 noyabr 2015
Umida Ahmedova Eltuz.com Toshkentda “Osiyo ramzi” raxbariyati ostida «Modalar haftasi»ni tiklashdi, ko‘rsangiz g‘irt “a lya biz ham bormiz” usulida. ...
13 iyun 2022
Xavfsizlik xizmatlari jurnalistlarga ba'zi mavzulardan qochish va ayrim xabarlarni o‘chirtirish uchun tahdid qiladi, qo‘rqitadi va bosim o‘tkazadi. Bu maqola ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...