22 aprel – Xalqaro Yer kuni

Bugun – Xalqaro Yer kuni. Amerikalik reper va komik Lil Diki «Yer» (Earth) deb nomlangan animatsion klipida 30 dan ziyod shou yulduzi, jumladan, Ariana Grande, Jastin Biber, Snup Dogg, Keti Perri, Kevin Hart, Backstreet Boys va boshqalar ishtirok etgan.

2019 yil Toshkent rasmiylari ko‘p yillik daraxtlarni yoppasiga kesish ortidan global ekologik zararli loyihaga ham qo‘l urdi. Mamlakat prezidenti Shavkat Mirziyoev Rossiya bilan hamkorlikda O‘zbekistonda AES qurilishi loyihasini imzoladi.

Ayni paytda o‘zbek hukumatining bu harakati jamoatchilik va ekologik harakat faollari qarshiligi fonida davom etmoqda.

Ekologik muammo bir millat, bir mintaqa va davlat miqyosidan chiqib, butun yer kurrasi bo‘ylab global ahamiyat kasb etayotgan ayni kunda xalqaro jamoatchilik e'tibori qaratilishi lozim bo‘lgan jiddiy muammodir.

Eng kamida Toshkent rasmiylari bugun jamiyat oldida o‘z qilayotgan ishlari sababini tushuntirish, agar bunga jiddiy asos bo‘lmasa, qonun oldida javob berishlari lozim.

Shu kun munosabat bilan Eltuz.com nashri o‘z mushtariylarini ushbu kunda Toshkentdagi ekologik harakat faollarini qo‘llab-quvvatlashga chaqiradi.

Eltuz.com