Sas
18 avgust 2017

“Kechirmas kech kechikkanlarni…”

Abduvohid Hayit – 1967 yilda Qashqadaryoning Yakkabog‘ tumanida tug‘ilgan.Toshkent Davlat Universitetining jurnalistika fakultetini bitirgan. Hozir Kanadada yashaydi.

Kech

Vakt kech bo‘ldi, ko‘zlaringni yum,
Tort ko‘zingga darpardalarni.
Chumchuqchalar uxladilar jim,
Uyqu oldi darrandalarni.

Bo‘sag‘amga kirib keldi kech,
Qaro libos kiydi dalalar.
Kanday keldi, qaydan keldi kech,
Sezishmasdan qoldi bolalar.

Yulduz boqar uzoq-uzoqdan,
Xorg‘in turar bekatlar, uylar.
Bunda qo‘shiq intiho haqda,
Bunda kuylar hijronni kuylar.

Kuyuqlashib bormoqda kecha,
Yo‘laklarda tun farroshi – qiyr.
Kechikkanlar bunda bir necha,
Adashganlar zulmatga asir.

Adashmoqqa mahkum etar kech,
Kech suymas hech kechikkanlarni.
Kechikmasdan kelar doim kech,
Kechirmas kech kechikkanlarni.

Kech daf'atan kelmoqda bosib,
Mitti uyda jon saqlar ziyo.
Men kaftimni ko‘ksimga bosib,
Kech ishiga turdim mahliyo.

Kech dilimni etdi kishanband,
Vujudimni ayladi pech-pech.
Tegramda tun, ilgimda kamand,
Vaqt kech bo‘ldi, endi bari kech.

Abduvohid Hayit
“Ozodlik ohanglari”
Eltuz.com

Tag‘in o‘qing
10 aprel 2021
8 aprel kuni Effekt.uz jurnalisti Elyor Tojiboev Surxondaryo viloyati Denov tumani IIB mulozimlari tomonidan o‘zi yashaydigan xonadondan majburan olib ketildi. ...
16 yanvar 2019
Londondagi Sharq va Afrika tadqiqotlari instituti tahlilchisi Alisher Ilhomov feysbuk sahifasida Prezident Shavkat Mirziyoevning O‘zbekiston Milliy gvardiyasi qo‘mondoniBahodir Toshmatovga ...
1 iyun 2018
Shvetsiyadan yurtiga qaytmoqchi bo‘lgan 58 yoshli o‘zbek qochqini Muhiddin Qurbonov 23 may kuni O‘zbekiston vatandoshligidan mahrum qilinib, Toshkent aeroportidan ...
27 iyun 2017
“Yana otasi boy ikkichilarning omadi kuldi”, deydi rassom Tuz bakalavriat va magistratura bosqichiga qabulning 20 iyun kuni chiqarilgan yangi ...
Bloglar
10 may 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov klasterlar ...
6 may 2021
1881 yilning 6 mayida Mixail Skobelev boshchiligidagi rus kolonizatorlari Xiva xonligiga qarashli Axaltaka viloyatini okkupatsiya ...
29 aprel 2021
Feminizm deya og‘izlaringning ikki chetida tupuk yaltirab tirjayasizlar, o‘zlaringcha iyaklaringni ko‘tarib kinoya qilasizlar, go‘yo bizning ...