Asosiy mavzular
30 may 2018

Muhammad Solih rasmini ushlab suratga tushganlar prokuraturaga chaqirildi

Xorazmlik shoir Mahmud Rajab va yana uch nafar shaxs 29 may kuni viloyat prokuraturasiga chaqirildi. Maxmud Rajab “Eltuz” muxbiri bilan suhbatida, prokuraturaga chaqiriq sababini Muhammad Solihni vatanga qaytarish tashabbusi va uning rasmini ushlab tushgan suratlarini feysbukka qo‘yishlari bilan bog‘laydi.

“Bobomurod ozod etilgan kuni to‘rttalamiz Muhammad Solih rasmini ushlab tushgan suratimizni internetga qo‘ygandik. Shuning uchun darrov sezdik nima uchun chaqirilganimizni. Oybek Sultonov degan yigit bizni bitta bittadan qabul qildi” deydi Mahmud Rajab.

Prokuraturaga telefon orqali chaqirilganini aytgan, Mahmud Rajab shuningdek, ikki soatdan ortiq cho‘zilgan suhbat, ko‘proq jinoyat ishi tergoviga o‘xshaganini bildiradi.

Prokuraturadagi so‘roq va ogohlantirishdan unga ma'lum bo‘lishicha, sal avvalroq Mahmud Rajab bilan yaqin aloqada bo‘lgan urganchlik ikki talaba bilan ham prokuratura shunday “do‘stona suhbat” o‘tkazilgan.

“Bu yigitlar bilan o‘rtamizda ijodiy munosabat bo‘lgan. Ular Muhammad Solih badiiy ijodini o‘rganishgan. Lekin men ularga siyosatga aralashmaslik, hatto Muhammad Solihni qaytarish murojaatiga qo‘l qo‘ymaslikni maslahat berganman. Lekin, menga ko‘rsatilgan ogohlantirishda buning mutlaqo teskarisi aks etgan”, deydi Mahmud Rajab.

Uning bildirishicha, yigitlar bilan o‘tkazilgan “suhbat” ham go‘yoki ularning Muhammad Solih bilan “jinoiy” aloqalari, O‘zbekistonda “Erk” demokratik partiyasini qayta tiklash harakatlariga oid bo‘lgan. Mahmud Rajabning havotiricha, bu huddi o‘tgan yilning sentyabrida hibsga olingan Bobomurod Abdulla va uch nafar shaxs ustidan o‘tgan tergov motivlarini eslatadi.

Eslatib o‘tamiz, shu yilning yanvarida Mahmud Rajab va boshqa bir qancha o‘zbek ziyolilari “Erk” Demokratik partiyasi lideri Muhammad Solihni vatanga qaytarishni so‘rab prezident Shavkat Mirziyoevga murojaat bilan chiqishgan edi.

Eltuz.com

Tag‘in o‘qing
7 mart 2020
“Straus House” muassisi tuyaqush olib  beraman deb odamlardan aldab olgan pulini timsoh sotib olish uchun sarflabdi. Ammo na timsohdan va ...
15 yanvar 2016
Eltuz elektron pochtasiga kelib tushgan xabarga ko‘ra, bosh vazir Shavkat Mirziyoevning erkatoy kuyovlari Oybek va Otabeklar puli ko‘pligidan kerilishmoqda. ...
28 oktyabr 2020
Turkiya prezidenti Rajab Toyyib Erdo‘g‘on Frantsiya mollarini boykot qilishga chaqirdi. Tushundik. Xitoy mollariga boykot qilsak qandoq bo‘lar ekan, rais? ...
18 mart 2017
Keyingi 2 oy mobaynida Andijon shahrida oltita pichoqbozlik qayd qilingan. Andijon shahar Ichki Ishlar boshqarmasining o‘tgan payshanba maxalliy nashrlarga ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...