Catira
12 fevral 2020

Yaxshiyam Saida teatrni sevarkan. Sevmasa nima bo‘lardi?

Gapning qisqasi, «Ilhom» teatrini o‘z o‘rnida qoldirishga erishildi. Ammo Toshkentdagi «Ilhom» teatri atrofida gap chuvalashdi.

Ijtimoiy tarmoqlarda «Ilhom» teatr borligini, teatr binosi qaerda joylashganini biladiganlar ham, bilmaydiganlar ham birday ayyuhannos solishdi.

«Ilhom» teatri joylashgan «Ofelos plaza» MChJga tegishli bino Mirziyoevlar oilasiga, aniqrog‘i, kuyoviga tegishli ekaniga oid xabarlar ham yangradi.

Mulk shubhali podpolkovniklar orqali Mirziyoev oilasiga quda bo‘lgan polkovniklarniki, degan gaplar ham chiqdi.

Bunday xabarlar ortidan o‘z binosidan «Ilhom» teatrini haydab chiqarish tadorigini ko‘rgan mulk egasi bo‘lmish «Ofelos plaza» MChJ rahbariyatining qulog‘ini tortib qo‘yadiganlar topildi.

Bu ishga dastlab prezidentning to‘ng‘ich qizi Saida Mirziyoeva aralashdi. U boshpanasiz qolishi mumkin bo‘lgan «Ilhom» teatrini himoya qilishini bildirdi.

«Ilhom» teatri bilan bog‘liq vaziyatga izoh bermoqchiman. Men o‘zim teatr san'ati muxlisiman. Ushbu masala atrofida aytilayotgan tashvishli gap-so‘zlarni eshitib, sizni ishontirib aytamanki, biz teatrimizni hech kimga xafa qildirib qo‘ymaymiz! «Ilhom» – madaniy hayotimizning faxri!» deb yozdi S.Mirziyoeva tarmoqdagi sahifasida.

Qarang, “Men o‘zim teatr san'ati muxlisiman”, dedi. Mabodo muxlisi bo‘lmasa, teatr ko‘chaga quvilarmidi?

Saida Mirziyoevadan chiqqan sadodan unumli foydalangan madaniyat vaziri Ozodbek Nazarbekov 11 fevral kuni teatrga borib, bino direktori bilan uchrashgani va «teatrni o‘z o‘rnida saqlab qolish»ga erishganini bildirdi.

Xullas, «Ilhom» teatri joyida qoladigan bo‘ldi.

Katta ehtimol bilan tarmoqda «Ilhom» teatridan qo‘lingni tort, kuyov!» degan sadolar yangramaganida, Saida Mirziyoeva teatr san'ati muxlisi bo‘lmaganda, «Ilhom» teatri jamoasi ko‘chada qolishi ham mumkin edi!

Holbuki, bugun nafaqat «Ilhom» teatrining, balki Ӯzbekistondagi barcha teatrlarning ahvoli maqtagulik emas. Ko‘p teatrlar qator-qator muammolar iskanjasida qolmoqda. Ma'naviyatimiz, madaniyatimiz, san'atimiz, teatrimiz rivojlanayotgani haqida jar solayotgan hukumatning esa mazkur sohaga e'tibori past.

Ismi-sharifi sir qolishi sharti bilan bizga bugungi teatrlar ahvoli haqida ma'lumot bergan soha mutaxassisining aytishicha, mamlakatimizda teatrlarga munosabat o‘zgarishi uchun hali ko‘p ishlar qilinishi kerak. Ko‘p gaplar qog‘ozda qolib ketyapti. Yoshlar uchun hech qanday sharoitlar yӯq.

Yangi spektakllarni sahnalashtirishga Madaniyat vazirligining Teatrlar bilan ishlash boshqarmasi boshlig‘i Muqaddas degan ayol yo‘l bermaydi. Asosiysi, spektakllar uchun kiyim masalasi jiddiy muammo. Tomoshabinlarni jalb qilish qiyinligi haqida gapirmasak ham bӯladi.

Eltuz muxbiri

Tag‘in o‘qing
14 may 2018
Mirziyoevning 15-17 may kunlari AQShga safari oldidan «Amerika ovozi» muxbiri Navbahor Imomova rasman O‘zbekistonda jurnalistik faoliyat yuritishga akkreditatsiya oldi. ...
8 fevral 2022
2022 yil 3 fevral kuni jinoyat ishlari bo‘yicha Hazorasp tumani sudi mahalliy bloger Sobirjon Boboniyozovni O‘zbekiston prezidentini haqorat qilishda ...
17 iyul 2016
Amalga oshmagan harbiy to‘ntarish ortidan 2745 sudya lavozimidan chetlatildi. Ular orasida Turkiya Oliy xakamlar kengashining 5 a'zosi bor. Ular ...
10 yanvar 2018
14 yanvar kuni denovliklar o‘tgan yili Ginnesga kirgan mega palov rekordini yangilashmoqchi. Rassom Tuz esa rekord kontseptini yanada ulkanroq ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...