Asosiy mavzular
7 iyun 2021

Bloger Sattoriyning advokati va yaqinlari apellyatsiya sudidan umid qilishmoqda

Advokat Umid Davletov termizlik bloger, 42 yoshli Otabek Sattoriy ishi yuzasidan apellyatsiya shikoyati kiritgani, lekin hali sud kuni belgilanmaganini «Eltuz»ga bildirdi. 

Shuningdek, u Sattoriy bilan oxirgi marta sud hukmi o‘qilgan kuni uchrashgani va suddan yaqinlari bilan uchrashishi uchun ruxsatnoma olib berganini aytdi. Bir oy oldin Sattoriyni ahvoli qoniqarli ekani, unga nisbatan qiynoqlar qo‘llanilmaganini bildirdi.

2021 yil 10 mayida chiqarilgan sud hukmi bo‘yicha Otabek Sattoriy “takror va ko‘p miqdorda tovlamachilik” va “tuhmat”da ayblangan, unga 6,5 yilga ozodlikdan mahrum qilish jazosi belgilangan.

“Men ushbu hukmdan mutlaqo norozi ekanimni va barcha epizodlar bo‘yicha ayblovlarni rad etganimni 19 may kuni kiritgan apellyatsiya shikoyatida bayon qildim”, dedi advokat Davletov «Eltuz»bilan telefon orqali suhbatida.

Sattoriyga qo‘yilgan sakkizta epizod bo‘yicha u davlat idoralarda ishlaydigan mulozimlarni videoga olib, tasvirni tarqatmaslik evaziga pora talab qilgani bildirilgan. 

Advokat Davletov hukmdagi barcha  ayblovlar uydirma va yolg‘on guvohliklar, tasdiqlanmagan dalillarga asoslanganini ta'kidlamoqda.

Sattoriyning singlisi Farangizning so‘zlariga ko‘ra, ular ehtimol boshqa viloyatda o‘tishi kutilayotgan apellyatsiya sudidan umid qilishmoqda. 

Yutub va telegramdagi «Xalq fikri» kanallari asoschisi Otabek Sattoriy 2020 yilning 30 yanvar kuni Termiz shahrida Surxondaryo viloyati Ichki ishlar boshqarmasi tergov bo‘limi xodimlari tomonidan hibsga olingan edi. 

Blogerni uning singan telefoni o‘rniga keltirib berilgan, qog‘oz paketga o‘rog‘liq yangi telefonni olayotgan paytda «daliliy ashyo bilan» ushlashgan.

Eltuz.com 

Tag‘in o‘qing
4 oktyabr 2018
Dubaydagi qimmatbaho mehmonxonaga 2 oktyabrda kelib joylashgan Gulnora Karimova aslida rossiyalik milliarder Sulaymon Karimovning qizi qizi ekani bildirilmoqda. Bundan ...
13 sentyabr 2016
Agar Siz yoki yaqinlaringizni paxta terimiga qatnashishga majburlashsa, agar Sizdan paxta terimiga bormaslik uchun pul talab qilishsa, marhamat, bu ...
2 noyabr 2016
«Xalq so‘zi» gazetasi (29.10) «Ijtimoiy fikr» jamoatchilik fikrini o‘rganish markazi tomonidan o‘tkazilgan navbatdagi so‘rovning natijalari haqida maqola e'lon qildi. ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...