“Dollarlar qanotida prezident bo‘laman!”

Eltuz elektron pochtasiga kelib tushgan xabarga ko‘ra, bosh vazir Shavkat Mirziyoevning erkatoy kuyovlari Oybek va Otabeklar puli ko‘pligidan kerilishmoqda. Ularning behisob pullari kuchi bilan prezident bo‘lish istagida va bu gaplar MXX qulog‘iga yetib borgan.

So‘nggi paytlarda prezident Karimovni qurshagan turli guruhlar o‘rtasida taxt uchun kurash alomatlarini kuzatish mumkin.

O‘tgan oyda internetda, bosh vazirning qizi Saida Mirzaeva to‘g‘risida O‘zbekiston maxsus xizmatlari buyurtmasiga o‘xshash yana bir “maqola” paydo bo‘lgan edi. Bunda Saida, “jinoyatchiga erga tekkan” “ahloqsiz tirrancha” ekani aytilgandi.

“Nahotki uning otasiga ham qachonlardir jinnixonadan, yillar davomida kasallik tarixi rasmiylashtirilmaydigan lyuks-palata ajratishga to‘g‘ri kelsa”, deya yozadi maqola muallifi.

Ushbu voqea bosh vazir va O‘zbekiston MXXsi yetakchilik qilayotgan guruhlar o‘rtasidagi kurashning kuchayayotganidan darak bermaydimi? Bu gilamosti kurashlarda kimning g‘olib chiqishi, qaysidir tomonning iste'foga jo‘natilganidan keyin ma'lum bo‘ladi.

Rassom Elsevar
Eltuz.com