Asosiy mavzular
12 iyul 2016

“Taxtapul” odamlarni qiynavordi

Pensionerlarning pensiya puli ularning roziligi olinmasdan 100 foiz plastik kartochkaga o‘tkazib qo‘yilganligi keksalarga qiyinchilik tug‘dirmoqda.

Ular zarur ehtiyojlarini qondirish uchun plastikdagi mablag‘ni naqd pulga aylantirish uchun erta tongda banklar eshigi oldida to‘planmoqdalar.

«Avval pensiyamizni 30 foizini plastikka o‘tkazishdi, – dedi bank oldida navbatda turgan otaxonlardan biri, – keyin esa 50 foiz naqd pul oladigan bo‘ldik».

Yangi 2016 yilning boshidan esa pensiyamizning hammasi “taxtapul”ga aylandi.

«Har oyda bankka kelib 30-50 ming so‘mgacha yechtirib ketayapmiz. Axir biror joyga boradigan bo‘lsak yo‘l kiroga naqd pul berishimiz kerak, bozordagi meva-sabzavotlarni ham plastikka ololmaymiz, sartaroshlar ham naqd pulga xizmat qiladi. Tumanimizdagi birorta sartaroshxonada terminal o‘rnatilmagan. Avtobus va “Damas”larda ham terminal yo‘q. Shuning uchun bamdod namozidan so‘ng kelib navbat olamiz» – deydi vodiylik jabrdiydalardan biri.

Plastikdagi mablag‘ni naqd pulga aylantirish uchun pensionerlardan tashqari nogiron turmush o‘rtog‘iga, farzandiga qarayotgan ayollar ham navbatda turishibdi.

Ularning ham dardi shu. Nogiron yaqinini do‘xtirga olib borish, ularga ba'zi dori-darmonlarni naqd pulda sotib olish, kundalik ehtiyojlari uchun zarur bo‘lgan narsalarni ko‘p qismini bozordan sotib olish uchun naqd pul zarur.

Farg‘ona viloyatida hatto nogironlar uchun beriladigan nafaqalar ham 100 foiz plastik kartochkaga tushiriladi.

Suratda: Farg‘ona viloyati tumanlarining biridagi “AGRO”bank binosi oldidagi naqd pul olish istagidagi odamlar.

Nasima Davron qizi
Eltuz.com

Tag‘in o‘qing
20 fevral 2023
O‘zbekiston prezidenti Shavkat Mirziyoev Misr prezidenti Abdulfattoh As-Sisining taklifiga binoan 20-21 fevral kunlari rasmiy tashrif bilan ushbu mamlakatda bo‘ladi.  ...
29 dekabr 2016
Kechayotgan 2016 yil O‘zbekiston tarixiga 27 yil umr surgan mustabid Karimovdan qutulish yili bo‘lib kirdi. Lekin voqealar zanjiriga qarasak, ...
19 sentyabr 2023
Agar Ginnesning qo‘lostidagilarni nafsoniyatiga tegish, g‘ururini toptash, tahqirlash, so‘kinish va urish singari yo‘nalishlarda ham reytingi bo‘lganida edi, g‘oliblikni yaqin ...
18 aprel 2016
«Milliy tiklanish» gazetasi shu nomdagi partiyaning xalq deputatlari mahalliy kengashlari deputatlari tomonidan «xalq farovonligi» yo‘lida olib borilayotgan ishlar, ular ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...