Catira
20 sentyabr 2016

MTS tuxumidan chiqqan poraxo‘r Oripov amaliga qaytarildi

Xalqaro korruptsiyada ayblanib ishdan ketgan hukumat mulozimi Abdulla Oripovning qayta lavozimiga qaytarilganini rassom Adolat Eltuz.com nashriga jo‘natgan yangi suratida hokimiyat qanoti ostida tuxumdan chiqqan jo‘ja shaklida aks ettiradi.

Telekommunikatsiya sohasidagi korruptsiya janjali ortidan 2012 yili ishdan olingan, ungacha O‘zbekiston Bosh vaziri o‘rinbosari lavozimida ishlagan Abdulla Aripovni vaqtli prezident Shavkat Mirziyoev shu yilning 13 sentyabr kuni lavozimiga qayta tikladi.

Yangi farmonga ko‘ra, Abdulla Nig‘matovich Oripov O‘zbekiston Respublikasi Bosh vazirining o‘rinbosari, Yoshlar siyosati, madaniyat, axborot tizimlari va telekommunikatsiyalari masalalari kompleksi rahbari lavozimiga tasdiqlandi.

Bu ish ortidan 2012 yilda Aripov ishdan olinib, ustidan jinoyat ishi ochilgani haqida xabar bergan Uzmetronom internet nashri, shuningdek Abdulla Oripovga, “O‘zdunrobita” shirkatiga qo‘shimcha retranslyatorlar o‘rnatish uchun noqonuniy ruxsatnomalar berish aybi ham qo‘yilgani ham bildirgan edi.

Shvetsiya prokuraturasi apellyatsiya sudiga taqdim qilgan TeliaSonera mas'ul xodimlarining o‘zaro yozishmalarida «O‘ta agressiv tip bo‘lgan Oripov rus inevestorlari tarafdoridir» deya ta'kidlanadi.

«TeliaSonera bo‘yicha tergov bilan bog‘liq jarayon Abdulla Oripov rahbar bo‘lgan davrni qamraydi. Oripovning imzosini ayni ishga oid ko‘p hujjatlarda ko‘rish mumkin», deydi Ozodlikka bergan intervyusida Shvetsiya prokuraturasi Korruptsiyaga qarshi kurash boshqarmasi boshlig‘i Gunnar Stetler.

Tahlilchilar, yirik poraxo‘rlik janjalida ayblangan mulozimning yana hukumatga qaytarilishini «yomon bir mujda» deya baholashmoqda.

Rassom Adolat
Eltuz.com

Tag‘in o‘qing
5 dekabr 2019
Ichki ishlar vaziri general Po‘lat Bobojonov uyida gaz va elektr toki yo‘qligidan sovuqda o‘tirgan oilaga elektr isitgich sovg‘a qildi ...
4 mart 2021
Andijon shahrining yillar davomida e'tiborsiz qolgan ko‘chalari obod qilina boshlandi. Chuqurlar yamalib, loy ko‘chalarga asfalt yotqizilmoqda. Eski kanalizatsiya quvurlari ...
20 sentyabr 2016
Xalqaro korruptsiyada ayblanib ishdan ketgan hukumat mulozimi Abdulla Oripovning qayta lavozimiga qaytarilganini rassom Adolat Eltuz.com nashriga jo‘natgan yangi suratida ...
28 yanvar 2022
Salom, azizlarim. O‘tgan galgidan ko‘ra davramiz yana kengayganini ko‘rib sevindim. Yaqindagina 200 ming edik. Mana, obunachilarimiz coni 289 mingga ...
Bloglar
22 noyabr 2024
Qudratlar ayrilgan tuzum, ya'ni demokratiya avtokratiyadan yaxshidir. Bu gapni aytaverib tilim qavardi. Demokratik jamiyat bo‘lgan ...
28 oktyabr 2024
(Eltuzga telegram orqali kelgan maktub) “Xorazm viloyati Urganch tumanlararo sud raisi Yo.A.Almosov janobi oliylarining bugungi ...
24 oktyabr 2024
Bir odam hammaga yaxshilik qilishga so‘z beribdi. Qo‘shnisi kelib uni otini so‘rab olib minib ketganicha ...