Sevishganlar kuni – o‘zbek matbuoti nishonida

Taqiq va cheklovlarga qaramasdan o‘zbek yoshlari nishonlaydigan «Sevishganlar kuni» haqida maqola yozgan o‘zbek jurnalisti Darmon Ibragimov bu kunga “bayram bilan niqoblangan razillik” deya ta'rif bergan.

Kun.uz nashrida aksilg‘arb tamoyilida yozilgan bu maqola muallifi orqasiga o‘girilib, Nikulin kinolarini eslatuvchi ohangda, “Bizning buyuk alloma bobolarimiz dunyo ilm fani, madaniyati, tibbiyoti rivojida ulkan burilishlarni boshlab bergan kashfiyotlar bilan band bo‘lgan davrda hali mudroq uyquda yotgan g‘arb bugun bizga qanday yashashni, qanday sevishni o‘rgatmoqchi bo‘layapti” deya kesatadi.

Valentin kuni 2012 yilda O‘zbekiston Ta'lim vazirligining Ma'naviyat va ma'rifat markazi tomonidan man etilgandi.

Rassom Tuz Valentin bayramini toshbo‘ron qilish, o‘zbek jurnalistlari yilda bir marta bo‘ladigan nishonga urish musobaqasiga aylanganini hajv qiladi.

Rassom Tuz
Eltuz.com