Cho‘kayotgan so‘mni qanday qutqaramiz?

Mart oyi boshidan qora bozordagi dollar narxining 7500-7700 so‘mgacha ko‘tarilishini o‘zbekistonliklar vahima bilan kuzatishdi.

So‘mning cho‘kish sababini ayrimlar, 10 minglik banknotlarning muomalaga kiritilgani, ayrimlar esa Markaziy bank tomonidan belgilanadigan rasmiy kursning keskin oshirilgani bilan bog‘lashmoqda.

Boshqalar esa valyutani chetga olib chiqib ketayotgan tujjorlarni ayblamoqda.

Aksariyat iste'mol mollari O‘zbekistondan tashqarida ishlab chiqarilishidan kelib chiqib, dollar qimmatlashi ortidan mollar narxi ham ko‘tarildi.

Ko‘plab iqtisodchilarning fikricha, hukumatning erkin konvertatsiya va erkin bozor tizimiga yo‘l bermayotgani kundan kunga oshayotgan inflyatsiyaning asosiy sababidir.

O‘zbekiston valyutaning uch xil kursi mavjud postsovet hududidagi yagona davlat bo‘lib qolmoqda.

Qachon milliy valyuta kursini bozor realligidan kelib chiqib hisoblash yuzasidan hukumatning aniq rejasi hanuz ma'lum emas.

Ayni o‘zbek so‘mining cho‘kishini kuzatayotganlar rassom Tuzning bugungi rasmi personajlariga aylanishdi.

Rassom Tuz
Eltuz.com