Catira
29 aprel 2017

Jabborov Karimovni yasaydigan bo‘ldi

Islom Karimovga yodgorlik tanlovida o‘zbekistonlik haykaltarosh Ilhom Jaborov g‘olib chiqdi.

Tanlovda turli mamlakatlardan jami 58 haykaltarosh qatnashib, 68 yodgorlik loyihasini taqdim etilgan bo‘lsa ham, Eltuz gaplashgan toshkentlik munaqqidga ko‘ra, konkursdan ancha oldin o‘tgan yilning oktyabr oyidayoq Karimov haykalini Ilhom Jabborov yasashiga kelishilgan.

Munaqqid Akmal Rizaevga aytishicha, konkurs xo‘jako‘rsinga bo‘lgan va ataylab zaif haykaltaroshlar qatnashtirilgan.

Amir Temur haykalini yasagan taniqli haykaltarosh Karimov bilan haykaltaroshlik borasida bahsga kirishgani uchun diktator g‘azabiga duchor bo‘lgandi.

Uning ustidan jinoiy ish ochilib, mol mulki musodara qilingan, haykaltarosh keyingi 6 yil mobaynida tog‘larga chiqib ketib, bol yetishtirib kun ko‘rib yurgan.

Islom Karimov o‘limidan so‘ng Jabborov yana ijodga qaytdi.

U bilan oldindan tanish bo‘lgan yangi prezident Mirziyoevning siyloviga noyil bo‘ldi.

Davr aylanib, Jabborov Karimovning O‘zbekistonda o‘rnatiladigan 3 ta haykali va Moskvadagi byustini yasaydigan bo‘ldi.

Bir vaqtlar haykaltaroshni xonavayron qilgan prezident diktatorni u qay alfozda yasamoqchi?

Jabborov yaratgan eskizda shalviragan kostyum shim kiyib lapanglab yurgan cho‘tir yuzli kallasi katta pakana odam tasvirlangan.

Shoir va rassom o‘z asarlarida shaxsiy hissiyotini aks ettirishiga ishongan Rassom Tuz hajviyasi ajoyib haykaltarosh oqmo‘ylov Jabborovga bag‘ishlanadi.

Rassom Tuz
Eltuz.com

Tag‘in o‘qing
29 oktyabr 2015
Eltuz manbasidan olingan xabarga ko‘ra, 28 oktyabr kuni Qashqadaryo viloyatining Qamashi tumanida ichki ishlar xodimlari Shuhrat Rustamovni ushlab olib ...
8 noyabr 2023
Hamzaning “Boy ila xizmatchi” dramasida boy otaga nechanchidir xotin bo‘lgan ayolning emizikli bolasini kundoshi qaynoq suvga cho‘kdirib o‘ldiradi. Oybekning ...
11 oktyabr 2019
Siyosiy tahlilchi Anvar Nazirning «Eltuz»ga bildirishicha, Toshkent qatlgohlarida 1938 yilning 4 oktyabridan 8 oktyabriga qadar Turkistonning besh yuzdan ziyod ...
10 aprel 2021
8 aprel kuni Effekt.uz jurnalisti Elyor Tojiboev Surxondaryo viloyati Denov tumani IIB mulozimlari tomonidan o‘zi yashaydigan xonadondan majburan olib ketildi. ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...