Catira
11 sentyabr 2017

“Stiven Sigal Toshkentdagi turnirda gonorar berilmagani uchun qatnashmadi»

Hollivudning mashhur kinoakteri Stiven Sigal 9 sentyabrda Toshkentda bo‘lib o‘tgan Asian Fight 2017 Xalqaro jang turnirida qatnashmadi. Shu kuni uning master klass berishi ham kutilgan edi.

«Eltuz» turnir tashkilotchilaridan biri bilan gaplashib, uning qatnashmagani sababiga oydinlik kiritdi.

Ismi aytilmasligini istagan tashkilotchiga ko‘ra, Tashkentga 8 sentyabrda kelgan 65 yashar Stiven Sigal, tashkilotchilar unga tegishli bo‘lgan 100 ming dollar gonororni to‘lamagani uchun 9 sentyabr kungi turnirda ctadionga chiqishdan voz kechgan.

Turnirda qatnashmagan Sigal Toshkent markazida pishirilib Ginnes rekord kitobiga kirgan palov tantalarida ko‘rinish bergan.

Ayni tadbirda uning Mirziyoev rafiqasi bilan “protokolga zid kelgani bois uchrashtirilmagani” Sigal dilini g‘ash qilgan.

Ginnes palovi rejasiga ko‘ra, u Mirziyoevning rafiqasi bilan bir stolda o‘tirishi kerak edi, ammo unga ruhsat qilishmagan va protokolga to‘g‘ri kelmaydi deb aytishgan.

Shuningdek, Sigalni Toshkentga olib kelgan shaxsning bildirishicha, akter shaxsiga qattiq tekkan boshqa nojoizliklar ham bo‘lgan.

Jumladan, akterning Mirziyoev bilan bilan belgilangan uchrashuv rejasi bo‘lgan. Mirziyoev esa u bilan uchrashmagan.

Turnir doirasida Stiven Sigal maydonda master-klass ko‘rsatishi kerak bo‘lgan, biroq aktyor o‘zbekistonlik va horijiy sportchilar yig‘ilgan «Bunyodkor» stadionida ko‘rinmagan ham.

«Eltuz» suhbatdoshi iddaosiga ko‘ra, “tadbir homiysi «Uzmobayl» Stiven Sigalning ishtiroki uchun pul ajratgan, ammo tashkilotchilar uni o‘marishgan.

«Eltuz» muxbiri «Uzmobayl» shirkatidan bu borada izoh ola olmadi, u bilan norasmiy tarzda gaplashgan tashkilotchilar “hamma muammo to‘lanmagan pul bilan bog‘liqligiga” ishora qilishgan.

Avvaliga sport turniri tashkilotchilari boshqa bir jangari yulduz – Jan Klod Van Dammning tashrifini anons qilishgan, biroq turnirga bir necha kun qolganida uning «qattiq kasalligi» tufayli kela olmasligini e'lon qilishgan.

«Eltuz» manbasining so‘zlariga ko‘ra, Van Damm Toshkentga kasalligi uchun emas, balki qatnashish gonororining summasi shartlariga kelishish mumkin bo‘lmaganidan kelmagan.

“Sigal Mongoliyaga ketdi, u juda ham norozi…”, dedi «Eltuz» suhbatdoshi yakshanba, 10 sentyabr kuni.

Jangovor san'at ustasi o‘z gonororini olmagani «Eltuz»ga ma'lum. Ammo “Uzmobayl” ajratgan pul qaysi tashkilotchinig cho‘ntagiga tushdi degan savol javobsiz.

Rassom Tuz
Eltuz.com

Tag‘in o‘qing
9 iyun 2023
RT: Aziz og‘a ini, opa singil qadrdonlarim. Mana hafta aylanib siz bilan birgaman. Sizlarning yuzingizga qarab tabassum qilish imkoniga ...
6 yanvar 2021
Toshkent xalqaro aeroportida ikki tomonlama shartnoma asosida O‘zbekistonga kirib kelayotganlarni koronavirusga tekshirish ishlari bilan “Tibbiyot dunyosi” MChJ shug‘ullanmoqda. Germaniya, ...
1 noyabr 2015
Qudrat Bobojon Eltuz.com Jurnalist Maloxat Eshonqulovaning faoliyati tufayli endi uning bo‘lg‘usi qudalariga bosim ko‘rsatilayotgani haqidagi gaplarni eshitib, har qanday ...
19 sentyabr 2021
O‘zbekistonning “Orient Group” kompaniyasi bilan bog‘liq bir yillik tergov ishi shuni ko‘rsatdiki, uning O‘zbekiston prezidenti bilan oilaviy aloqasi mavjud ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...