Catira
16 oktyabr 2017

Mirziyoev Xivani ham “Yevroremont” qilmoqchi

O‘zbekiston prezidenti Shavkat Mirziyoev, Xiva shahridagi «Ichan-qal'a» muzey qo‘riqxonasi hududidagi «Paxlavon Mahmud» ziyorat majmuasiga borganida, bu maskanning ta'mirlanishi yuzasidan buyruq berdi.

“Ilgari bu joylar tashlandiq maskanga aylanib qolgan”ligini aytgan Mirziyoev Xivadagi “Sherg‘ozixon” madrasasi va Nurillaboy saroyi atrofida turistlar ko‘ngil ochishi uchun maskanlar qurishga amr berdi.

Ismi aytilishini istamagan xivalik muzey xodimi «Eltuz» muxbiri bilan suhbatda “Mirziyoevning “Paxlavon Mahmud” ziyoratgohini ta'mir qilish ishtiyoqidan qo‘rqayotganini” bildirdi.

Unga ko‘ra, XVII asrda boshlanib 1913 yilda yakuniy qiyofaga ega bo‘lgan ziyoratgoh YuNYeSKO tarafidan qo‘riqlanib kelmoqda va tashlandiq holatda emas:

«Bino yaxshi saqlangan, koshinlar va 1810 yilda Muhammad Rahimxon tarafidan qurilgan qismi ham ta'mirga muxtoj emas. Granit dahmalar ham juda yaxshi saqlangan. Buni faqat asli qanday bo‘lsa shunday qilib saqlash ya'ni konservatsiya qilish kerak. Nurillaboy saroyini ta'mir qilishganida barcha qadimiy narsalarni o‘g‘irlab sotib yuborishdi. Paxlavon Mahmud maqbarasi “evroremont” qilinishiga qarshiman», deydi muzey xodimi.

Suhbatdoshga ko‘ra, Mirziyoevga noto‘g‘ri ma'lumotlar berilgan:

«Davlat rahbari o‘z gapini o‘ylab gapirishi kerak. Maqbara hech qachon tashlandiq bo‘lmagan. Har doim chet ellardan kelgan davlat delegatsiyalari ziyorat qilib turgan. Shavkat Miromonovich maqbara ziyoratida “Paxlavon Mahmud asarlarini o‘zbekchadan boshqa tillarga tarjima qilish kerak” dedi. Axir Pahlavon Mahmud o‘z asarlarini fors tilida yozganku», deydi muzey xodimi.

Ta'mir bahonasida yodgorlikning butunlay qayta qurilib tarixiylikdan mosuvo bo‘lgani borasida misollar ko‘p.

Toshkentlik general Jo‘rabek tarafidan 1897 yili qurilgan va “Jo‘rabek “ masjidi deya tarixiy yodgorlik sifatida maxsus ro‘yxatga tirkalib, asrab kelinayotgan masjid O‘zbekistonning marhum prezidentinining kenja qizi YuNYeSKOdagi O‘zbekiston vakili Lola Karimova -Tillaeva tarafidan “ta'mir” qilingani ortidan yodgorlik o‘z tarixiy qiymatini yo‘qotgan edi.

Xivalik muzey hodimiga ko‘ra, “Nurillaboy” saroyi ham shu tariqa “ta'mir” bo‘lgan:

«Saroyning qadimiy eshigi, billur qandillari va lojuvard kaminlari bundan besh yil oldin boshlangan ta'mir paytida o‘marilgani yuzasidan o‘nga yaqin kishi jinoiy javobgarlikka tortilgan», deydi muzey hodimi.

U «Nurillaboy» saroyi yonida bir yil ichida tantanalar uyi, amfiteatr, galereya va restoranlar barpo qilinishi shaharni qadimiy tarovatdan mahrum qiladi degan fikrda.

Muzey xodimi Shahrisabzda bo‘lgani kabi, Xivani ham zamonaviy binolar bilan to‘ldirish oqibatidan gapirdi:

«YuNYeSKO Shahrisabzni butunjahon merosi ro‘yxatidan chiqarmoqchi. Mirziyoev sharofati bilan Xiva ham qadimiy shaharlar ro‘yxatidan chiqarilmasin», deydi muzey hodimi.

Rassom Tuz
Eltuz.com

Tag‘in o‘qing
7 dekabr 2017
AQSh Davlat departamenti; AQSh Adliya departamenti; Birlashgan qirollikning Hamdo‘stlik ishlari va tashqi ishlar vazirligi. Markaziy Osiyoda inson huquqlari uyushmasi, ...
11 fevral 2020
Ijtimoiy tarmoqda «Ilhom» teatridan binoning olib qo‘yilishiga qarshi norozilik ortidan 11 fevral kuni Madaniyat vazirligi teatrning o‘z o‘rnida qolishini ...
21 sentyabr 2020
O‘zbekistonda paxta yig‘im-terimi mavsumi boshlandi. Shu sababli har yili bo‘lganidek, joriy yilda ham aholi orasida ushbu mavzu dolzarb bo‘lishi tabiiy. ...
3 noyabr 2018
O‘z a'yonlari bilan 2 noyabr kuni Buxoroga kelgan Rossiyaning millatchi dohiysi Vladimir Jirinovskiy uni dabdabali ziyofatga taklif qilgan Buxoro ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...