Qrimga qarshi ovoz bergan O‘zbekiston Rossiya quchog‘iga qaytmoqdami?

O‘zbekiston BMTning Qrimga nisbatan Rossiya siyosatini qoralovchi rezolyutsiyasi loyihasiga qarshi ovoz berdi. Ushbu hujjatni 75 davlat qo‘llab-quvvatladi, 25 davlat unga qarshi chiqdi, 70 davlat betaraf qoldi.

«Ukraina va Qrim tatarlaridan shu qilmishimiz uchun uzr so‘rayman. Boshqa 70 davlat kabi betaraf qolsak bo‘lar edi, lekin…», dedi bu yuzadan fikrini bildirgan o‘zbekistonlik faol Sardor Salim.

«Qrim tatarlaridan uyatdaman. Muhtaram qrimli turkiylar, o‘zbek xalqi siz bilan birga!» deya yozdi feysbukda Mexmet Tog’ay Chelebey nikli yana bir yuzer.

Boshqa bir faol Dilobar Erkinzodaning bu yuzadan fikri ancha keskin.

«So‘zsiz Qrim – bu Ukrainadir!!! Rossiya esa bosqinchi!!! O‘zbekiston hukumati esa munofiqdir!!!» deya yozdi u BMT rezolyutsiyasi loyihasi yuzasidan.

«Bir qadam oldinga, besh qadam orqaga!» deya baholadi O‘zbekiston siyosatini Erkinzoda.

BMTning Rossiyaning Qrimni anneksiya qilishi bilan bog‘liq rezolyutsiya loyihasi ko‘pchilik ovoz bilan qabul qilindi.

Hujjatda, jumladan, «Qrim-tatar milliy majlisi»ining taqiqlanishi va qrim-tatar tilida ta'lim olinishiga to‘sqinliklar keskin qoralangan.

Rassom Tuz o‘zining yangi asarida O‘zbekistonning tashqi siyosatini orqaga qarab murvati buralgan mashinaga o‘xshatdi.

Rassom Tuz
Eltuz.com