Catira
4 iyun 2018

Ishdan ketgan amaldorlarning qarindoshlari qochish taraddudida

Soliq qo‘mitasi raisi Botir Parpievning ishdan olinishi unga aloqador kimsalarni kemadan qochishga urinayotgan kalamushlarga aylantirgan ko‘rinadi.

Qudratli soliqchining katta-katta amallarni egallab kelgan yaqin qarindoshlari bir vaqtning o‘zida lavozimlaridan mosuvo etilgani ortida ham shu sabab yotgani aytilmoqda.

Toshkentda tarqalgan xabarlarga ko‘ra, o‘tgan haftada Botir Parpievning yuqori lavozimli ikki qarindoshi mamlakatdan chiqib ketishga uringan vaqtda ushlangani ortidan boshqalari ham ishdan bo‘shatilib, kuchaytirilgan nazoratga olingan.

Mustaqil OAV esa bir vaqtlar Davlat soliq qo‘mitasi raisining birinchi o‘rinbosari bo‘lgan Abdusalom Yo‘ldoshev va uning o‘g‘li Javlonbek qo‘shni davlatlardan birida ushlanib, O‘zbekistonga qaytarib berilganini yozdi.

Ayni paytda ular Davlat xavfsizlik xizmatining “Gvardeyskiy” nomi bilan tanilgan izolyatoriga joylashtirilgani xabar qilinmoqda.

Bu ma'lumotlar ko‘pchilik tomonidan O‘zbekistonning eng yirik korruptsionerlaridan biri sifatida ko‘riladigan Botir Parpiev ustidagi qora bulutlar yanada quyuqlashayotganini anglatadi.

29 may kuni bo‘lib o‘tgan videoselektor yig‘ilishida prezident Shavkat Mirziyoev soliq tizimidagi korruptsiyaga bog‘liq jinoyatlar ko‘lami juda kengligiga ishora qilgan edi.
“Soliqda ham ko‘p o‘yinlar bo‘lgani, rahbariyati qanday ishlar bilan shug‘ullanganidan hayron qoldim. Hali uni ham xalqimizga yetkazamiz “… 70 foizi korruptsiya bilan bog‘liq, mana shuni hamma bilishi kerak”, degandi o‘sha yig‘ilishda davlat rahbari.

Bu yoqda 15 yil davomida “dunyoning ustuni” bo‘lgan sobiq bosh prokuror Rashid Qodirovning ham ahvoli ancha chatoq.

Ayrim manbalar hibsdagi bu shaxs sog‘lig‘i yomonlashgani sababli “sangorodok”ka yotqizilganini xabar bergandi.

Toshkentdagi so‘nggi gap-so‘zlarga qaraganda, sobiq bosh prokurorning “tomi ketib”, aqli kirdi-chiqdi bo‘lib qolgan. Hozir u barcha yiqqan-tiqqanini davlatga qaytarishga tayyor holatga kelgan, demoqda vaziyatdan xabardor ayrimlar.

Lekin ko‘pchilik prezidentning yana bir shov-shuvli qadamiga intiq. Bu ham bo‘lsa, sobiq Milliy xavfsizlik xizmatining sobiq raisi Rustam Inoyatov bilan bog‘liq.

Odamlar “endi navbat Rustam Inoyatovniki, prezident qachon bu haqda bir qarorga kelar ekan”, deb kutmoqda.

Qachon qo‘yilar ekan bu qadam? Qo‘yilarmikin?!

Bahodir Sharif
Eltuz.com

Tag‘in o‘qing
1 oktyabr 2020
24 sentyabr kuni andijonlik bokschi Hasan Ergashev “Damas” boshqaruvidagi IIB xodimi Saidjon G‘ofurjonovni do‘pposladi.  Kapitan “Damas” rusumli xizmat avtomashinasini ...
7 noyabr 2023
Salom qadrli muxlislar, ko‘rsatuvlarimizni Eltuz portaliga kelgan so‘nggi beshta maktubni o‘qish bilan davom ettiramiz. Ular O‘zbekistonning Qashqadaryo, Toshkent, Jizzax, ...
11 sentyabr 2018
Toshkent shahrining Yunusobod tumani hokimi, 42 yashar Baxtiyor Abdusamatov o‘z ish kabinetida 7 sentyabr kuni 400 ming AQSh dollari ...
9 oktyabr 2015
Jurnalistlarning O‘zbekistondagi ko‘p jiddiy o‘zgarishlarni tushunishlari qiyin bo‘lib qoldi. Ayniqsa, “biror fikringni bildirishdan oldin rahbariyat oldiga chiqib ruhsat” olish ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...