Catira
21 avgust 2018

O‘zbek OAV nishonida «tungi klublar»

Hukumatning ko‘ngilochar maskanlarga reydlari ortidan o‘zbek matbuotida «tungi klublar»larni yomonotliq qilish avj oldi.

Ayni tendentsiyadagi ko‘rsatuvlarni «Yoshlar» telekanali uzatdi. «Kun.uz», «Qalampir.uz» «Xabarlar» caytlari shunga monand xabarlarni tarqatdi.

tToshkent shahri IIBB va soliq tizimlari bilan birgalikdagi tungi klublarga reydlari asosida «Yoshlar» telekanali 19 avgust kuni uyushtirgan ko‘rsatuvda Yunusobod tumanidagi Ahmad Donish va Yangishahar ko‘chalari kesishmasidagi tungi klublar faoliyati ko‘rsatiladi.

«O‘lishni taqiqlash kerak!»

«Comedy.uz» hajvchisi Nozim Safariy o‘zbek hukumati va matbuotining «tungi klub»larga xurujini hajv ostiga oldi.

«Televizordan katta katta shaxslar, yozuvchilar va boshqa faollar «Tungi klublar – bu jamiyatimizning muammosi!», «Bu yerda giyohvandlik avj olmoqda!», «U yerda fohishalar yig‘ilgan!», «Karaul! Eng katta muammomiz tungi klublar!» deb butun olamga jar solishmoqda», deydi Nozim Safariy o‘z videoblogida.

«Biz tungi klublarni, sportchi bilan bo‘lgan vaziyatni bilamiz. Lekin statistikani olib qaraydigan bo‘lsak, jinoyatlar, suiqasdlar va qotilliklar ro‘y berishi bo‘yicha tungi klublar eng oxirgi o‘rinlarni egallaydi. Tungi klublarda qotilliklar, jinoyatlar juda kam ro‘y beradi aslida. Lekin biz ularni taqiqlash tarafdorimiz! Bilmadim, nega…

Unda kelinglar, boshqa narsalarni ham taqiqlaylik! Eng ko‘p suiqasdlar, qotilliklar, zo‘rlashlar qaerda ro‘y bermoqda?

Xo‘jalikda, oilada! Ha, bu statistika, olib ko‘rishlaringiz mumkin.
Eng ko‘p suiqasd oilada ro‘y bermoqda. Shuning uchun, taklifim, kelinglar, uylanishni taqiqlaymiz, oila qurishni taqiqlaymiz. Muammo bo‘lyapti boshidan, to‘y, uylanish, xarajatlarimiz.


Yana qaerlarda. Yo‘llarda o‘lyapti odamlar! Mashinada ketyapti, piyoda ketyapti, yuragi qisilib o‘lib qolyapti. Yo‘llarni taqiqlash kerak! Yo‘llarda yurishni taqiqlash kerak!


Agar shunday mantiq bilan boradigan bo‘lsak, shu to‘g‘ri bo‘ladi. Yana qaerda, ha! Jarrohlik stollarida. Endi har xil kasalliklar bo‘ladi! Ayb bilanmi, beayb, o‘sha jarrohlar sabab odamlar jarrohlik stollarida o‘lyapti. Shuning uchun, kelinglar, jarrohlik amaliyotini taqiqlaymiz.


Yo‘q! Yo‘q! Bu yerda eng to‘g‘ri yechim – o‘lishni taqiqlash. «O‘lsang, o‘ldiraman!» jazosi ostida taqiqlab qo‘yish kerak», dedi hajvchi Nozim Safariy o‘z videoblogida.

Xurujlarning boshlanishi

Tungi klublarga qarshi o‘zbek matbuotidagi xurujlar yosh sportchi Jamshid Kenjaevning 8 avgust kuni Toshkentdagi “Aurum 898” tungi klubida o‘ldirilganidan keyin avj oldi.

Qo‘riqchilar bilan chiqqan janjaldan so‘ng tungi klublarga reydlar kuchaydi. 

“Aurum 898” bilan birga Yakkasaroydagi «Luksor» tungi klubi faoliyati to‘xtatildi.

Bosh vazir Abdulla Aripovning og‘zaki buyrug‘i bilan 11 avgustdan boshlab tungi ko‘ngilochar maskanlar faoliyati, alkogol savdosi soat kechki 9.00 dan so‘ng taqiqlandi.

Rassom Tuz
Eltuz.com

Tag‘in o‘qing
15 sentyabr 2015
Ushbu suxbatni e'tiboringizga xavola etishdan oldin xozirgi kunda jaxon xamjamiyatining e'tiborini tortayotgan xolat, «Uzbekistonda majburiy mexnat» va «paxta siyosati» ...
6 aprel 2016
O‘zbekistondagi partiyalarning nashrlarini ko‘zdan kechirib, ularning parlamentdagi deputatlariga o‘z saylovchilari bilan ogohlik, hushyorlik, «yot g‘oyalarga qarshi kurash» mavzularida uchrashuvlar ...
18 mart 2022
Qrim yarim oroli Rossiya armiyasi nazorati ostida 2014 yilning 18 martida o‘tkazilgan referendum natijasiga ko‘ra Rossiya tarkibiga qo‘shib olindi. ...
22 aprel 2016
«Avakyan ishi» nomi bilan shov-shuv bo‘layotgan jinoyat ishi to‘g‘risidagi «fosh etuvchi» tafsilotlar O‘zbekiston TVsi ekranidan o‘zbek internet resurslariga ko‘chdi. ...
Bloglar
23 may 2022
(Taniqli shoir va siyosatchi Muhammad Solihning “Imperativ” kitobidan 50-qism. Audiokitob matnini muallifning o‘zi o‘qigan) «Sof ...
17 may 2022
(Taniqli shoir va siyosatchi Muhammad Solihning “Imperativ” kitobidan 49-qism. Audiokitob matnini muallifning o‘zi o‘qigan. Davomi ...
11 may 2022
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...