Xalqaro tennis federatsiyasi Rustam Inoyatovni mukofotladi

Osiyo tennis federatsiyasining 1 dekabr kuni Filippin poytaxti Manilada o‘tgan yillik kongressida O‘zbekiston maxsus xizmatining sobiq raisi Rustam Inoyatov tennis rivojiga qo‘shgan «bebaho hissasi» va «tennisga bo‘lgan sadoqati» uchun mukofotlandi.

Sobiq KGB va MXX generali Rustam Inoyatovga mukofotni Xalqaro tennis federatsiyasi prezidenti, kongressning faxriy mehmoni Devid Xaggerti topshirdi.

Shu yilning boshida MXX idorasining nomi DXXga o‘zgartirilishi ortidan prezident Mirziyoev Rustam Inoyatovni lavozimidan bo‘shatgan, biroq uni o‘ziga maslahatchi etib tayinlagan edi.

1976-81 yillarda KGBning Afg‘onistondagi diplomatik agenti bo‘lgan Rustam Inoyatov 1995 yilning 27 iyunidan O‘zbekiston MXX raisi etib tayinlanadi.

1996 yili unga general-leytenant, 1999 yildan general-polkovnik unvoni beriladi. O‘sha yili Islom Karimovning tennis raketkasini hadya qilishi ortidan u O‘zbekiston tennis federatsiyasi raisi etib tayinlanadi.

Rassom Tuz
Eltuz.com