Catira
9 sentyabr 2019

Mugabe o‘ldi, lekin uning O‘zbekistondagi qarsakbozlari hali amalda

Zimbabvening 37 yillik diktatori o‘lgani fonida O‘zbekiston parlamentining qariyb shu yoshlardagi deputati Akmal Umirzoqov mavjud nomenklaturadan tashqaridagi shaxslarning deputat bo‘lish istaklarini masxara qilib, hatto ularning ustidan haqoratomuz kulishgacha bordi.

Mazkur deputatning feysbukdagi posti hukumatning bo‘lajak parlament saylovi arafasidagi kayfiyatini ifodalashi ham hech gap emas.

Chunki parlamentning mustaqil bir hokimiyat tuzilmasi sifatida shakllanishi shartligini aytib kelayotgan prezident rahbarligidagi hukumatning bo‘lajak saylov arafasidagi sa'y-harakatlari (to‘g‘rirog‘i, saylovning ochiq-oshkora, demokratik asosda o‘tishini ta'minlashga qaratilgan harakatsizligi) aynan shunday xulosaga kelishga undaydi.

Zero, hukumat jamiyatning barcha qatlamlarini qanoatlantiruvchi saylov o‘tkazishga hozircha rag‘bat ko‘rsatayotgani yo‘q.

Nega mavzu boshida Zimbabve prezidentini eslatdik? Robert Mugabe xuddi o‘zining boqiy dunyodagi hammakoni Islom Karimov kabi uzoq yillik hukmronligi davrida parlamentni o‘yinchoq bir tuzilmaga aylantirib olgan edi.

Ammo u hokimiyatdan ketganidan so‘ng mazkur mamlakat parlamentida erkinlikka engan bir kayfiyat kuzatilmoqda.

O‘zbekistondagi vaziyat bilan parallel shuki, Zimbabvedagi kabi diktatorlik tuzumi hukm surgan O‘zbekistonda ham prezident almashdi, yoqimli o‘zgarishlarga umid paydo bo‘ldi.

Mamlakatda parlament erkinligi kayfiyati g‘uncha ochmoqda. Ammo g‘unchaning to‘kis ochilishiga yo‘l beradigan nishonadan darak yo‘q…

Yuqorida nomi tilga olingan deputatning gaplaridan u blogerlar va ijtimoiy tarmoqlarda faol bo‘lgan shaxslarning deputat bo‘lish istaklaridan yozg‘irgani anglashiladi.

Shu asnoda avvalgi parlament saylovida deputatlikka nomzod bo‘lib, saylovdan o‘ta olmagan (tushunishimizga, mavjud nomenklaturaga mos kelmagan) bugungi faol bloger va huquqshunos Xushnudbek Xudoyberdiev xayolga keladi.

U bugun o‘zi kabi blogerlar va ijtimoiy tarmoqlarda faol bo‘lgan shaxslar qatorida xalqqa deputat Akmal Umirzoqovdan ko‘ra ko‘proq manfaat keltirmoqda nazarimizda.

Ammo o‘sha paytda unga raqib bo‘lganlar bugun u kabilarning yana parlament a'zoligiga nomzod bo‘lishiga ochiqdan ochiq qarshilik qilishi ko‘rinayotir.

Akmal Umirzoqovning gaplari blogerlarning “So‘nggi kunlar esa g‘alati signallar kelmoqda” kabi xavfsirashlariga asos borligini ko‘rsatadi

“Parlament tsirkka aylanishiga yo‘l qo‘ymaydi bu zakiy xalq”, deb yozadi deputat.

Bugungi parlamentni tsirkka aylantirgan deputatlarni saylagan bu “zakiy xalq” keyingi chaqiriq parlamentga ham o‘rgatilgan jonzotlar yetkazib bermasligiga kafolat bormi?!

“Eltuz”ning O‘zbekistondagi hamkori

Tag‘in o‘qing
10 mart 2017
O‘zbekiston Prezidentining qaroriga ko‘ra, 1 martdan O‘zbekistondagi chakana savdo va xizmat ko‘rsatish sohasidagi barcha tadbirkorlik sub'ektlarida kassa apparatlarining bo‘lishi ...
18 dekabr 2015
Malohat Eshonqulova mustaqil jurnalist, Eltuz.com Jizzaxlik qonun idoralari xodimlari, xususan «Do‘stlik» tuman IIB katta tergovchi Orif Anorboev O‘ktam Pardaevga ...
4 aprel 2015
Islom Karimovning jirkanish hissini ko‘proq qo‘zitish uchun, Shvetsiyada yashovchi jurnalist Qudrat Bobojonov, qo‘liga supurgi olib Stokholm ko‘chalarini supura boshladi. ...
7 oktyabr 2022
Aziz og‘a ini, opa singil qadrdonlarim. Mana xafta aylanib siz bilan birgaman. Kuz kelib to‘y-to‘ychiq ko‘paygan payt… MS: Tuz ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...