O‘zbekiston bo‘ylab yuzlab uchastkovoy «sababsiz» ishdan bo‘shatildi

2023 yil oktyabridan 2024 yil aprel oyiga qadar O‘zbekiston Respublikasi Ichki ishlar vazirligi tizimida sababsiz va maqsadsiz, faqatgina uchastkavoylarga nisbatan navbatdan tashqari attestatsiya o‘tkazildi.

300 dan ortiq ishlab turgan, 10 yildan ortiq tajribaga ega bo‘lgan va 20 yilga yaqin xizmat qilgan uchastkavoylar adolatsiz ravishda ishdan bo‘shatib yuborildi.

Uchastkavoylar o‘z huquqlarini tiklash uchun viloyat va Respublika Fuqarolik ishlari bo‘yicha sudlarga murojaat qilishmoqda. Adolatsiz va soxta hujjatlar asosida ishdan bo‘shatilganligi ma'lum bo‘lsa-da, sudlar har bir bosqichda ularning da'vo arizalarini rad etmoqda.

Har bir sud holati bo‘yicha hujjatlar nusxalari va advokatlarning iltimosnomalari mavjud, biroq ularning hech biri inobatga olinmayapti.

Barcha nohaq bo‘shatilgan uchastkavoylar va ularning oila a'zolari sudlarga va IIVga murojaat qilib, sarson-sargardon bo‘lib yurishibdi.