Asosiy mavzular
16 mart 2017

Ziyolilar Karimovning ulug‘lanishiga qarshi

Mirziyoevning Karimov xotirasini abadiylashtirish haqidagi qaroriga bir nechta o‘zbek ziyolilarning qarshi chiqishi ortidan tarmoqda ularni badnom qilishga urinishlar boshlandi.

Qarshi va tarafdorlar o‘rtasida dahanaki jang davom etarkan 10 mart kuni prezident Shavkat Mirziyoev Turkmanistonda bo‘lib, Karimov haykalining tantanali ochilishida qatnashdi.

Ko‘chalar, universitetu zavodlar, san'at saroylaridan tashqari, Xalqaro Toshkent aeroportiga Karimov nomini berishni ko‘zlagan qarorga dastlab shoir Jamol Kamol, bastakor Zohid Haqnazarov va olim Baxodir Musaevlar tanqidiy qarashlarini bildirishgandi.

Jamiyatshunos olim Bahodir Musaev, ularga haqorat yog‘dirayotganlarni kasal bir jamiyat deya ataydi. Barcha zamonlarda bo‘lgani kabi, jamiyatning eng yaxshi vakillari bor va ularga qarab xalq haqida xulosa qilish lozim deydi u.

O‘zbekistonlik boshqa bir ziyoli Anvar Xusainov fikricha bu hurujlar karimovchilik davri illatidir.

Kanadada yashovchi andijonlik yozuvchi G‘afur Yo‘ldoshev Xalqaro aeroportga Karimov nomining berilishiga aslida ko‘pchilik qarshi ekanini aytadi.

Shu yilning 25 yanvarida imzolangan qaror, professor Haqnazarovning fikricha Mirziyoevning Karimov xotirasiga bo‘lgan shaxsiy munosabatinigina anglatadi.

Aeroportni nomlashda Eltuz suxbatdoshlari Jamol Kamol taklifini ko‘proq qo‘llashlarini bildirishadi.

Oliy ahloq va insoniy printsiplardan kelib chiqib Karimov nomi faqat yomonlik xotirasi sifatida eslanishi lozim, deydi Bahodir Musaev.

Karimov buyrug‘i bilan ruhiy davolanishga majburlangan uning jiyani Jamshid Karimovning shifoxonadan chiqqanidan keyingi suvratiga ishora qilib, «mening har bir yurtdoshim, agar uning vijdoni o‘lmagan bo‘lsa, uning ko‘zlarga boqib, mening fikrimga qo‘shilishi kerak» deydi u.

Video: https://youtu.be/ltjpawqNGws

Eltuz.com

Tag‘in o‘qing
9 aprel 2019
Rasmiy Toshkent O‘zbekiston xalq harakati (O‘XH) lideri Muhammad Solihning qarindoshlari ortidan ta'qibni qaytadan boshladi. Xususan, 2019 yilning 7 aprel ...
28 noyabr 2022
2014 yilning dekabrida Jinoyat ishlari bo‘yicha Yakkasaroy tumani sudi O‘zbekiston davlat san'at muzeyi bosh muhofizi Mirfayz Usmonovni 9 yilu ...
17 avgust 2021
Londondagi Sharq va Afrika tadqiqotlari instituti tahlilchisi Alisher Ilhomov o‘zining feysbuk sahifasida Afg‘onistondagi so‘nggi voqealarning O‘zbekistonga ta'sirini bunday izohladi: ...
5 iyul 2019
Prezident Mirziyoev 2017 yilning  13 iyunidagi chiqishida o‘zbek sudyalarini odamlarni himoya qilmaslikda, poraxo‘rlikda, nohaq qarorlar chiqarishda ayblagan edi. Karimov ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...