Sovetlarni ulug‘lagan Rashidov kitobi Stokgolmda taqdim qilindi (video)

17-20 noyabr kuni Shvetsiyaning Stokgolm shahrida VI Yevroosiyo adabiyoti festivali bo‘lib o‘tdi.

Postsovet davlatlar, jumladan, o‘zbekistonlik yozuvchilarning asarlari taqdim etilgan bu yilgi tadbirga Sharof Rashidov nomi berildi.

Festival tashkilotchisi, markazi Londonda joylashgan Yevroosiyo ijodiy gildiyasi raisi Marat Ahmedjonov «Eltuz» muxbiriga tadbirdan siyosiy maqsadni ko‘zlamaganini bildirdi.

Biroq to‘rt kun davomida kasaba uyushmalariga tegishli kichikroq zallarda o‘tgan tadbirga shved hukumatining uncha ro‘yxush bermagani sezildi.

«Birdaniga uchta tashkilot, jumladan, Nobel jamg‘armasi oldingi kelishuvni bekor qildi, diktatorlik tuzumlarini dastaklayotganimizni aytishdi», dedi u.

Biroq aksariyat kuzatuvchilar bunday tadbirlarning G‘arb o‘quvchisiga noma'lum qolayotgan o‘zbek yozuvchilari uchun, ayniqsa, muhimligini ta'kidlamoqda

Festival ishtirokchilariga Yevropada kitob chiqarish va tarqatish imkoniyatlari haqida yo‘l-yo‘riqlar ko‘rsatildi.

Kitoblari taqdim qilingan aksariyat o‘zbekistonliklar, jumladan, iste'dodli adib Isajon Sulton va o‘tgan yilgi festival g‘olibi Raim Farhodiy turli sabablarga ko‘ra tadbirda qatnasha olishgani yo‘q.

Video: https://youtu.be/0Tbl1EUj2EQ

Eltuz.com