Asosiy mavzular
14 mart 2018

Shodievning qamalishi sobiq mahkumni sevintirdi

IIV Jazoni ijro etish bosh boshqarmasi sobiq boshlig‘i, 56 yoshli polkovnik Abdukarim Shodiev 9 mart kuni hibsga olindi.

«Erk» demokratik partiyasi faoli va sobiq siyosiy mahkum A'zam Turg‘unov «Eltuz» muxbiriga polkovnik Shodiev inson huquqlarini buzib kelgan shaxs sifatida allaqachon qamalishi kerakligini bildirdi.

«Faoliyatimga ko‘ra, qamalishimdan oldin 2005-2007 yillarda mahkumlarning ishlari yuzasidan bu shaxs bilan ko‘p uchrashganman», dedi sobiq mahkum.

Shodievning hibsga olingani haqida xabar tarqatgan huquq faoli Sur'at Ikromovga ko‘ra, ichki ishlar vazirining sobiq o‘rinbosari, laqabi «jallod» (palach) bo‘lgan Shodiev «hokimiyatni suiiste'mol qilish yoki hokimiyatning harakatsizligi» va «aybsiz shaxsni javobgarlikka tortish» bilan ayblanmoqda.

Sur'at Ikromovning Jazoni ijro etish bosh boshqarmasidagi manbasiga tayanib «Eltuz» nashriga bildirishicha, 9 martdan boshlab boshqarma boshlig‘i o‘rinbosari Erkin Boboqulov ham ishga chiqmayapti va uning ham hibsga olingani taxmin qilinmoqda.

Ilgari «Eltuz» nashri xabar qilganidek, siyosiy mahbuslarni o‘ldirib yo‘q qilishda ayblanayotgan MXX polkovnigi Toymuroz Alimov o‘z jinoyatlarini Shodiev bilan sheriklikda qilgani turli mustaqil manbalar tomonidan bildirilmoqda.

Huquq faoli A'zam Turg‘unov «Eltuz» muxbiriga Shodievning bir qancha qarindoshlari ham unga sherik ekanligini aytdi.

«Masalan, Abdukarimning bir jiyani o‘sha Jazoni ijro etish bosh boshqarmasida oziq-ovqat tarqatish bo‘limi boshlig‘i bo‘lib ishlagan. Mahbuslar biladi-ku, oziq-ovqatdan qancha urib qolishlari, ularga qancha ish haqi belgilanganu qanchadan yozilishini.

Bular 10 yil-20 yillab davlatni o‘pirib kelishdi, hech kim indamadi», deydi sobiq maxbus «Eltuz» nashriga bergan intervyusida.

O‘zbekistonlik faol A'zam Turg‘unov nohaq ayblovlar bilan qamoqda 10 yil o‘tirib, 2017 yilning oktyabrida ozod etilgan edi.

Eltuz.com

Tag‘in o‘qing
13 noyabr 2017
O‘zbekistonlik 1 milliondan ortiq mehnat migrantlari Sankt-Peterburgda ishlayotgani rasman tan olindi. Demak, RFning O‘zbekistonga masofa jihatdan undan-da yaqinroq poytaxti ...
19 aprel 2016
«Huquq» gazetasi qo‘shni davlatlarga kelin bo‘lib tushib, bugun chegaradan o‘tishdagi qiyinchiliklar bois yurtidagi qarindosh-urug‘lari bilan bordi-keldi qilish muammosiga duch ...
24 fevral 2022
O‘zbekiston shaxmat federatsiyasi AQSh elchixonasini O‘zbekiston hududida josuslik faoliyatini amalga oshirayotganlikda aybladi. @eltuz olib borgan surishtiruv AQSh elchixonasini ayblash ...
24 mart 2021
I – bu ikkiyuzlamachilik. X – bu Xorazm. MM – bu mansabdorlar/mentlar. P – bu pedofiliya. UR – Uchinchi ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...