Asosiy mavzular
27 iyun 2019

Yulduz Usmonova Gulnora Karimova qaytishiga qarshi chiqdi

Yulduz Usmonova 27 iyun kuni yutub kanaliga qo‘ygan yangi videomurojaatida «Gulnora Karimovani sog‘indik» deya ijtimoiy tarmoqda aktsiya boshlagan san'atkorlarni qoraladi.

«Qattiq sog‘inib, yuraklari ezilib ketibdi Gulnorani sog‘inishib, «Biz sog‘indik, qachon chiqasiz?» deb. Chiqadi boshinglarga balo bo‘lib…», deya kinoya qiladi o‘z hamkasblarini Yulduz Usmonova videomurojaatida.

Yulduz Usmonova bu safargi chiqishida 2016 yili o‘lgan prezident Islom Karimovning to‘ng‘ich qizini o‘g‘ri deb atadi va u o‘zbek xalqidan o‘g‘irlangan bir milliard dollarni tashqariga olib chiqib ketganini pisanda qildi.

«Nima uchun bu pulni so‘ramasligimiz kerak? So‘raymiz! Bu pul xalqniki, sizning yoki mening shaxsiy pulimiz emas bu pul. Men xalqning puli xalqqa qaytishi tarafdoriman. Men qaysi o‘g‘rini sog‘inishim kerak? U o‘g‘ri-yu», dedi qo‘shiqchi Gulnora Karimova haqida.

Shuningdek, Yulduz Usmonova uni boshqa artistlardan ko‘proq bilishini iddao qilib, prezidentning qizi tadbirlarida majbur va tekin ishlab bergani haqida gapirdi.

«Soat ikkidayam, uchdayam turg‘azib qo‘yib, «nochnushka»da ketib, ashula aytmagansizlar-u. Men aytganman, bilaman. Bormasang – zapret, boshingga bir kuvolda tushadi. Bormasang kaltak yeysan, borsang pulingni olmay qaytasan. Hozir pul ishlayapmiz-ku, o‘rtoqlar», dedi Usmonova.

Yosh san'atkorlarning bunday chiqishi ularning obro‘sini to‘kishini bildirarkan, Usmonova: «Agar nomlaringni bitta-bitta aytsam, xalq bitta-bitta tupursa, la'natning ichida qolib ketasizlar!» dedi.

Bundan avvalgi, 2016 yilning sentyabridagi videomurojaatida Yulduz Usmonova «Islom Karimovning janozasiga dunyo havas qilgani», “Yurtboshi o‘lgani bilan qurilgan tizim o‘lgani yo‘q!” degan gaplarni aytib, o‘zi malomatga qolgan edi.

Video: https://youtu.be/IwoTN_IgJRY

Eltuz.com

Tag‘in o‘qing
3 noyabr 2023
Charx avzoyi bu dam avvalgilarg‘a o‘xshamas, Kotibu davru raqam avvalgilarg‘a o‘xshamas, Endi inson qadri ham avvalgilarg‘a o‘xshamas, Ko‘nglum ichra ...
6 noyabr 2019
Yaqinda “Sharq ziyokori” kitob do‘konidan ulug‘ rus yozuvchisi Lev Tolstoyning “Jaxon bestsellerlari” ( aslida “jahon” bo‘lishi kerak) turkumi ostida ...
18 iyul 2016
«Adolat» gazetasini varaqlab, O‘zbekiston siyosiy hayotidagi navbatdagi o‘xshamagan parodiya, o‘zbekcha aytganda, o‘xshamagan taqlidga ko‘zingiz tushadi. Taqlidki, kulishni ham, yig‘lashni ...
23 mart 2017
Prezidentning topshirig‘iga labbay deb javob berayotgan partiyalar deputatlari shu kunlarda tumanma-tuman chopib yuribdi. Bu partiyalarning nashrlari ham mazkur safarlar ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...