Asosiy mavzular
22 mart 2017

Terrorchi Masharipov bekingan uydan o‘zbeklardan talangan dollar chiqdi

Yil boshida Istanbulning Reina tungi klubidagi qirg‘in va o‘tgan yilning yozida o‘zbek vatandoshidan 1 million 900 ming dollar pulning talanishi bilan bog‘liq ikki jinoyat ishi birlashtirildi.

Reina tungi klubiga hujum uyushtirgan Abduqodir Masharipov

Turk matbuotiga ko‘ra, o‘tgan yilning 23 iyun kuni Istanbulning Yenibosna mavzeida O‘zbekiston vatandoshidan qaroqchilik yo‘li bilan tortib olingan 1 million 900 ming dollar pulning bir qismi Reina tungi klubiga hujum uyushtirgan Abduqodir Masharipov berkingan uydan topilgan.

O‘tgan yili qaroqchilar hujumiga uchrab pulini oldirgan O.Ye. ismli o‘zbek vatandoshinimng politsiyaga shikoyatida o‘g‘irlatgan dollarlarning seriya nomerlari va boshqa tafsilotlarni aytgani jinoyatni topishda ip uchi bo‘lgan.

Turkiyadagi nufuzli Hurriyat gazetasi 1 million 900 ming dollar pulning hammasi Masharipov berkingan uydan chiqqanligini yozadi.

Bundan oldin boshqa nashrlar Masharipov berkingan uydan bir yuz to‘qson yetti ming dollar atrofida pul chiqqanligini yozishgan edi.

Bu jihatga mahkama oydinlik kiritishi kutilmoqda.

Mahkamadan turk matbuotiga sizgan ma'lumotga ko‘ra, IShID jangarilari o‘zbekiston vatandoshining 1 million 900 ming so‘mini qurol o‘qtalib tortib olgan.

Kuppa kunduz kungi qaroqchilik

Istanbul-Toshkent reysi atrofida shubhali atmosfera hukm suradi

Eltuz nashri o‘tgan yili o‘zbek vatandoshining qaroqchilar hujumiga uchraganini Ota-Turk aeroportidagi o‘z manbalariga tayanib yozgan edi.

Bu maqolada 2016 yilning 23 iyun kuni tushlik paytida Istanbulning Yenibosna mavzeida O‘zbekistonlik tadbirkor (balki mulozim) O.Ye. yo‘lto‘sar qaroqchilar hujumiga uchragani yozilgan edi.

Maqolada aytilishicha, O‘zbekiston fuqarosi O. Ye. Toshkent-Istanbul uchog‘i vositasida O‘zbekistondan keltirilgan bir million to‘qqiz yuz ming naqd dollarni Otaturk aeroportidan olib o‘z mashinasida shahar tomonga yurgan.

Avtomobil Yenibosna (Yenibosna) mavzeiga yaqinlashganda qurollangan uch yo‘lto‘sar tarafidan kurshovga olinib to‘xtatilgan.

Oldin ta'qib so‘ngra talon

Talonchilar O‘zbekiston fuqarosini peshonasiga to‘pponcha tirab pul solingan sumkani tortib olib qochib ketishgan.

O‘g‘irlik atrofdagi xavfsizlik kameralari nigohiga tushdi. Videotasvirlarni taxlil qilgan turk politsiyasi talonchilar o‘zbek puldorini aeroportdan boshlab ta'qib qilgani va qulay payt kelgani hamon talonchilikka o‘tganini bildirdi.

Voqea yuzasidan boshlangan surishtiruv asnosida talonchilarning IShID mansublari ekani aniqlangan.

Eltuz.com

Tag‘in o‘qing
15 noyabr 2018
O‘zbekistonda ba'zan «yutub», ba'zan «feysbuk» kanallari uzilishidan shikoyatlar ortmoqda. 15 noyabr kuni «Eltuz» nashri Downdetector sayti orqali «yutub» kanalidagi ...
23 mart 2016
Sudga olib kelingan Aramais Avakyan va uning 3 nafar sherigi kutilmagan bayonotlar bilan chiqishdi. Aramais Avakyan: «Men qo‘poruvchi emasman! ...
1 fevral 2021
Davlat xavfsizlik xizmatining 7-bo‘linmasi sobiq tezkor xodimi Sherzod Haitov dekabr oyining birinchi yarmida DXX xodimlari tomonidan hibsga olindi. Bu ...
6 noyabr 2016
Shanba ertalab joni uzilgan Abdulla Oripovning janozasi o‘sha kuniing o‘zidayoq Xyuston shahridagi masjidda o‘qilgan. Eltuz.com manbasiga ko‘ra AQShdagi O‘zbekiston ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...