Asosiy mavzular
21 aprel 2021

AVTOBUS-2

«Abdulla G‘arip Prodakshn», Rassom Tuz, rassom Elsevar va «Eltuz» namoyish qiladi.

(IKKINChI QISM)

Avtobus o‘nqir-cho‘nqir yo‘ldan ketyapti. Cirtiga “O‘zbekiston – buyuk kelajak”, deb yozib qo‘yilgan.

Konduktor ayol e'lon qiladi: Aziz yo‘lovchilar, keyingi bekat “Saylov” qishlog‘i. Bekatda avtobus yog‘i almashadi, benzin olinadi. Hamma tushadi nafas rostlagani!

Chol: Har astanopkada benzin olaverar ekanda-a, bu shopir!

Sallali, takasoqol mulla: Shopir bo‘lgandan keyin oladi-da. Shopirning haqqi bor. Shopir o‘lib-netib qolsa, shu avtobusdagi benzin bizga qoladimi?! Qoladi!

Shofyor: Shu benzinni avtobus to‘xtab qolmasin, chet ellik muhtaram mehmonlarga qulay bo‘lsin, deb sotib olamiz. Men o‘zim ishdan bo‘sh paytimda doimo piyoda yuraman.

Chol: Ja ishandik! Benzinni shopirning shotirlari boshqa avtobusdagilarga sotib yuboryapti.

Semiz yigit turib cholning soqolidan tutadi: San shopirimiz halolligiga shubha qivossanmi?  Shopirga til tekkizma.Chundingmi, xarip?

Yozuvchi: To‘g‘ri aytasiz. Muhtaram shopirimiz avtobus haydashda inqilobiy  o‘zgarishlar qilyaptilar.  

Kampir: Haq gap. Rosa inqil… inqil… Ashanaqa qilyapti.

Chol: Lekin oldingisi benzin sotib olmasdi. Dangasa yo‘lovchilar borib, boshqa avtobuslardan obkesin, derdi.

Avtobus o‘nqir-cho‘nqir yo‘ldan o‘tib boryapti. Shofyor rulni asabiy buryapti u yoqdan bu yoqqa.

Deputat: O‘ttiz yildan buyon shu avtobusda qatnayman. Lekin hozirgidaqa mahoratli haydovchini ko‘rmaganman. Ofarin, muhtaram shopir!

Muxolifatchi:  Bekor aytibsiz, bu shopir haydashni eplay olmayapti. Bu gal men shopir bo‘laman!

Konduktor ayol: Shofyorlikka nomzod bo‘lish uchun avval prava olish kerak.

Kampir: Keyin bunda 20 ta yo‘lovchining imzosi bo‘lishi shart.

Semiz yigit: Chetdan turib gapirish oson. Avtobusga xiyonat qilyapsan, vatangado!

Ziyoli: Men pravayam olaman, imzoyam to‘playman.

Konduktor ayol:  Avtobusni haydash senga trali vali emas.

Yozuvchi: Artist qo‘shig‘ini aytsin, o‘qituvchi darsini bersin. Davlat bilan o‘ynashmalaring!

Sallali, takasoqol mulla: Oxirgi paytlarda shofyor bo‘laman deganlar ko‘payib ketdi. Bularni chetdagi buzg‘unchilar gij-gijlayapti.

Semiz yigit: Orqalarida Soros va masonlar turipti. Maqsadlari avtobusdagi tinchlik va osoyishtalikni buzish!

Bo‘yi past yigit: Qalbimizga xitirlik yo‘llari bilan kira olmaysanlar.

Shofyor avtobus magnitafoni murvatini buraydi. Yulduz Usmonovaning “Hech kimga bermayman, seni O‘zbekiston!” degan qo‘shig‘i yangraydi.

Shu payt birdan GAI hushtagi chalinadi.

Avtobus g‘iyq etib to‘xtaydi.

Pastda Putinga o‘xshagan GAI xodimi turibdi.

GAI xodimi: Stoy, tы kuda yedesh?

Shofyor qo‘lini ko‘ksiga qo‘yib: Zdraaasti. Idu domoooy, tavarish nachalnik.

2-QISM TUGADI.

Tag‘in o‘qing
11 fevral 2021
Andijonlik fuqarolardan birining aytishicha, u bir necha oydan beri viloyat hokimi qabulga kira olmayotir. Fuqaro omadi chopib uning qabuliga ...
2 iyun 2022
Rossiya istilochilari tomonidan Samarqand bosib olingach, 1868 yilgi eng qonli janglar Zirabuloq tepaligini saqlab qolish uchun bo‘ldi. Biroq Rossiyaning zamonaviy ...
5 aprel 2023
Salom qadrli muhlislar. Eltuz portaliga kelgan navbatdagi 5 ta shikoyatni o‘qib eshittiramiz. Maktublar O‘zbekistonning Andijon, Surhondaryo, Toshkent va O‘zbekistonning Qozog‘iston hamda ...
11 aprel 2016
O‘zbekistonda may-iyun oylarida bo‘lib o‘tadigan fuqarolar yig‘inlari raislari (oqsoqollari) va ularning maslahatchilari saylovini tashkil etish va o‘tkazishga ko‘maklashuvchi komissiyalar ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...