Asosiy mavzular
18 may 2021

Samarqandda «GAI» boshlig‘i mashinasiga signal chalgan haydovchi jazolandi

Samarqandda «Damas» avtomobili haydovchisi IIB xodimining o‘tish yo‘lini to‘sib to‘xtagan, davlat raqami 828 VSS bo‘lgan mashinasiga signal bergani uchun jazolandi. Uning avtomobili jarima maydonchasiga joylashtirildi.

Tarmoqda tarqalgan videoda aks etgan voqea, «Eltuz»ga ma'lum bo‘lishicha, 8 may kuni ertalab Samarqand viloyatining Paxtachi tumanidagi sodir bo‘lgan.

Haydovchi asosiy yo‘lga chiqish uchun mashinalar o‘tib ketishini kutib turganida, davlat raqami 828 VSS bo‘lgan oq rangli «Lasetti» avtomobili kelib, uning yo‘lini to‘sadi. Haydovchi unga signal beradi.

Avtomobildan tushgan IIB xodimi furajkasini namoyishkorona kiyarkan, orqadan izma-iz «Neksiya» mashinasida yetib kelgan boshqa bir xodimga “Bunga chora ko‘r”, deya buyruq berib, nari ketadi.

“Kattalar kelyapti. Nomerni tanimaysanmi”, deydi “haydovchiga chora ko‘rish”ni boshlagan IIB xodimi.

O‘zini “GAI nachalnigi Maqsud Tog‘aevman”, deya tanishtirgan xodim «Damas» haydovchisidan hujjatlarini so‘raydi. Haydovchi sababini so‘raganida Tog‘aev “eyman!” deya javob beradi.

“O‘pkangni bosib ol kim bo‘lsang ham!” deydi mashinani jarima maydonchasiga olib ketayotgan IIB xodimi «Damas» haydovchisiga.

“Nachalnik ekan, signal berish mumkin emas. Uyimizdan ham chiqolmaymiz endi!” deydi  «Damas» haydovchisi mashinasini jarima maydonchasida qoldirarkan.

«Damas» avtomobili videoregistratoriga yozilgan, IIB xodimlari qo‘polligi aks etgan videoda tuman YHXB boshlig‘i Maqsud Tog‘aevga “Bunga chora ko‘r!” deb buyurgan xodimning kimligi «Eltuz»ga hozircha noma'lum.  

Eltuz.com

Tag‘in o‘qing
26 oktyabr 2023
Bundan 6 yil avval ya'ni, 2017 yilning 24 iyulida 60 yoshni qarshi olgan prezident Shavkat Mirziyoevning tug‘ilgan kuniga sovg‘a ...
7 fevral 2019
Rassom TuzEltuz.com
2 avgust 2019
Bir guruh o‘zbek faollari 25 iyul kuni AQSh, Yevropaning qator mamlakatlari va O‘zbekiston hukumatlaridan Gulnora Karimova va uning noqonuniy ...
26 may 2017
«Oila va jamiyat» gazetasi (24.05) «Kasbingizga sadoqatlimisiz?» sarlavhali maqolada marhum prezident Islom Karimovga sadiqligini bildirib, horijga chiqib ish izlayotgan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...