Асосий мавзулар
23 октябр 2020

Гулнора Каримованинг «ўпкаси яллиғланган»

Гулнора Каримованинг қизи Имон ўзининг фейсбук саҳифасида 22 октябрь куни ёзишича, Зангиотадаги 21-колонияда сақланаётган онасининг соғлиғи анча ёмонлашган ва унга керакли тиббий муолажалар қилинмаётир.

Сўнгги бир неча кун ичида Гулнора Каримованинг аҳволи оғирлашганини билдик, – дея ёзади Имон Каримова. – Адвокатларимизнинг телефон орқали хабар беришича, ҳозир Гулнора ўпканинг икки томонлама ҳам кучли яллиғлангани ҳолда санитария бўлимига ётқизилган. Унга тиббий ёрдам кўрсатилмаяпти, ковид-19 га тест топширишга рухсат берилмаяпти, даволаниш учун дори-дармон ва аппаратлар бериш ҳам тақиқланган. 

Имон Каримованинг иддао қилишича, онасининг адвокатлари, фарзандлари ва яқинлари томонидан уни даволаш учун қаратилган саъй-ҳаракатлар Ўзбекистон президенти маъмуриятининг буйруғига асосан қасддан чеклаб қўйилмоқда. 

Унинг қайд этишича: “У (Гулнора Каримова) жойлашган КИН-21 биносининг икки ходими сўзларига кўра, 19 октябрь куни эрталаб Зангиота зонаси бошлиғи кабинетига президент маъмуриятидан қўнғироқ бўлган. Суҳбат бўлиб ўтганидан сўнг бино бошлиғи Гулруҳ Каримова санитария бўлимидаги ҳар бир ходимга ҳозирча “юқоридан” буйруқ бўлмагунча, Гулнора Каримовага ёрдам кўрсатиш тақиқланганини шахсан хабар қилади”.

Имон Каримова ўз постида бу ишда бош вазир Абдулла Ариповнинг қўли борлигига ишора қилган:

– … Гулруҳ Каримова буйруқ Ўзбекистон бош вазири Абдулла Арипов томонидан маъмурият орқали етиб келганига шаъма қилмоқда. Телекоммуникация вазири бўлган пайтида МТС, Билайн ва Телия каби компанияларнинг Ўзбекистон телекоммуникация бозорида олигополия яратишига айнан Абдулла Ариповнинг имзоси имкон берганини, эҳтимол,  юртимиздаги барча одамлар эсласа керак.

Ўзбекистон собиқ президентининг тўнғич қизи Гулнора Каримова 2015-2020 йилларда Ўзбекистонда иқтисодий жиноятлари учун уч марта қайта судланган.

Сўнгги бор шу йилнинг март ойида чиқарилган ҳукмга асосан Гулнора Каримовага 13 йил 4 ойлик қамоқ жазоси тайинлаган.

Тергов маълумотларига кўра, Гулнора Каримова 12 йил давомида 51,1 миллиард сўмлик активларга эгалик қилган уюшган гуруҳни назорат қилган. Бундан ташқари, Г. Каримова қарийб 2 миллиард доллар миқдоридаги хорижий валютани яширганликда гумонланган.

Ўзбекистон ҳукумати Гулнорани бутунлай изоляция қилгани ва тизимли сиёсий тергови учун танқидга учраб келади. 

Тағин ўқинг
15 феврал 2018
Халқаро меҳнат ташкилотининг Ўзбекистонда 2017 йилги пахта терими мавсумига оид эълон қилинган ҳисоботидан келиб чиқадиган хулосаларни ўқиб, худди шундай ...
2 август 2021
Сепаратизм дея талқин қилинган виртуал чиқишлари ва ўзбек лотин ëзуви жорий қилиниши бўйича мавжуд қонунларга қаршилиги ортидан назоратга олинган ...
13 июн 2016
Орландодаги Гей клубга ҳужум уюштирган 29 яшар Умар Метин Сиддиқийнинг хотини Ситора Алишерзода Юсуфий ўзбекистонлик бўлган, аммо улар 2013 ...
7 апрел 2021
Самарқандлик ёзувчи ва журналист Каримберди Тўрамурод faceebook саҳифасида унинг асарларини ўғирлаб, ўз номидан эълон қилаётганларга ҳеч қандай чора кўриш ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...