Асосий мавзулар
2 август 2021

Алишер Илҳомов: Акаевни ўғирлаб кетишдими?

Қирғизистон Миллий хавфсизлик давлат қўмитаси хабарига кўра, «Қумтор» иши бўйича тергов қидирувида бўлган Қирғизистоннинг биринчи президенти Асқар Акаев 2 август куни Бишкекка олиб келинди.

Хабарда собиқ давлат раҳбари, бошқа юқори мартабали амалдорлар қаторида, 1992 йилда «Қумтор» лойиҳаси бўйича бош келишувни тузишда, 1994 йилда унга ўзгартиришлар киритишда, шунингдек, 2003 йилда «Камеко» билан тузилган бош шартномани қайта тузишда порахўрлик учун сўроққа тортилгани айтилади.

«Миллий хавфсизлик давлат қўмитаси Акаевни республика ҳудудига олиб келиш орқали жиноий жавобгарликка тортиш нуқтаи назаридан тарихий адолатни тиклашга қаратилган фаол иш олиб борди «, дейилади Миллий хавфсизлик давлат қўмитаси хабарида.

Би Би Си хабарига кўра, Асқар Акаев ҳозир Миллий хавфсизлик давлат қўмитаси биносида тергов қилинмоқда.

1991 йилдан иқтидорда бўлган Акаев Қирғизистонда юз берган “лола инқилоби” сабабли 2005 йилнинг 24 мартида Москвага қочишга мажбур бўлган эди.

Лондондаги Шарқ ва Африка тадқиқотлари институти таҳлилчиси Алишер Илҳомов ўзининг фейсбук саҳифасида Акаевнинг Россиядан Қирғизистонга келтирилишини бундай изоҳлади:

“Тушунишимча, Акаев РФда, Питерда яшаган. Қандай қилиб МХДҚ уни Бишкекка олиб келган бўлиши мумкин? Фақат иккита йўл бор:

1) Россиянинг ўзи Бишкек сўровига кўра депортация қилиши. Бироқ бу Акаев ва унга ўхшаганларга қарор устидан судга, шунингдек, Инсон ҳуқуқлари бўйича Европа судига шикоят қилиш имконини берадиган узоқ жараён. Шу тарзда кўпчилик депортациядан қутулиб қолишган.

2) Шунчаки ўғирлаш. Бу ҳолда Россия ҳукумати учун саволлар туғилади. Россия махсус хизматларининг МОдаги авторитар давлатларнинг ўзларига ёқмаган шахсларни ўғирлашлари ва авиалиния маршрутлари орқали олиб келишларига нафақат панжа ортидан қарашлари, балки уларга ҳамкорлик қилишлари билан боғлиқ бундай амалиётлар илгари ҳам бўлган.

Кўпроқ эҳтимолда, сўнггиси. Агар шундай бўлса, унда бутун МДҲ зонасини бандитларники дея малакалаш мумкин, у ерда ёқмаган одамларнинг ўғирланиши де факто қонунийлаштирилган”.

Eltuz.com

Тағин ўқинг
7 октябр 2020
Жээнбеков ҳукуматининг ҳайратланарли даражада тезкор ағдарилишидан сўнг бир қатор саволлар туғилади. Улардан энг муҳими – иккита: Энди нима бўлади? ...
12 сентябр 2017
«Элтуз» нашрининг Фарғона вилоятидаги манбаларига кўра, туманларнинг узоқ ҳудудларида ўқитувчи, шифокор ва талабалардан таркиб топадиган терим отрядлари учун ётоқ ...
11 ноябр 2017
Жиззахлик Маҳкам Жўраева 18 октябрь куни «Жаслиқ» қамоқхонасида жазо муддатини ўтаётган ўғли Фурқат Жўраевни кўргани борганида уни БМТнинг инсон ...
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг рамзига айланганини ҳеч ким ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...