Асосий мавзулар
15 май 2023

Қочқинди Бекзод Мусаев нега вазир курсисида ӯтирибди?

Камбағалликни қисқартириш ва бандлик вазирлиги Германиядан келган халқаро ташкилот вакиллари билан учрашувни бекор қилди. Учрашув олдиндан белгиланган эди. Учрашувга бир неча соат қолганида вазирлик халқаро ташкилот вакилларига чиқиб, учрашув «отмен» бўлганини айтишган. Бундан олдин Қишлоқ хўжалик вазирлиги ҳам айни ташкилот вакиллари билан учрашувни охирги минутда бекор қилган эди. Референдумда ноллашгани ортидан Ўзбекистон ҳукумати яна ўз қобиғига кириб, дунëдан изоляция бўлмоқчими? Бу саволни айни ташкилот вакиллари Самарқандда Европа тикланиш ва тараққиёт банки ўтказаëтган тадбирда билдиришади. Тепага чиққан зўлдирнинг тезгина пастга қараб юмалаб, олдингисидан ҳам пастга қулай – бу физика қонуни. Ўзбекистон «пахта бойкоти ҷилди, ишим битди – эшшагим лойдан ўтди,» деб ўйласа,  қаттиқ янглишади. Ўзбекистондаги вазирликлар, хусусан, Камбағалликни қисқартириш ва бандлик вазирлиги томоғигача коррупцияга ботган. Бу вазирликнинг астрономик ўғирликлари ҳақида Ўзбекистон презиентлигига номзод Мирзиëев Шавкат билармикан? Умуман ўтмиши қоронғи бўлган, сал олдинроқ иқтисодий жиноятлар қилиб қочиб кетгани ортидан қидирувга берилган Беҳзод Мусаев нега яна раҳбарлик креслосида ўтирибди? Кимнинг чўнтаги у. Мана бу иқтибос эса халқаро RFE/RL нашридан:

“Беҳзод Мусаевни ичкарида “Ариповнинг кассири”, дейишади. Мусаев ИИВда қидирувда бўлган, айнан талон-тарож учун. Америкага қочиб ҳам кетган, бошпана ҳам олган, деб ёзишди. Лекин Арипов бош вазир бўлди, орадан ҳеч қанча ўтмай Мусаев ҳам ишга қайтарилди. Жиноят ишлариям, қидирув ҳам ёпилиб кетди.»

Нега деб биров сўрадими? Мана биз берамиз шу саволни Беҳзод Анваровичга. Муҳтарам вазир таниқли ëзувчи Булгаков асари қаҳрамони айтган бир гапни сизга эслатмоқчиман: «Қўлëзмалар ëнмайди». Бу китоб ўзбек тилида ҳам бор – «Уста ва Маргарита» деб аталади. Дарвоқе, бу китоб қаҳрамони Воланднинг цирк буфетчиси билан диалоги ҳам сиз учун қизиқ Беҳзод Анварович! Китоб қаҳрамони Воланд буфетчига қараб дейди: «Бешта банк ҳисобида икки юз қирқ тўққиз минг пулинг бор экан¸ бундан ташқари уйингдаги пол тагида ҳам икки юз дона олтин танга яширгансан. Ҳолбуки сен 9 ойдан кейин мединстититут клиникасининг тўртинчи палатасида ракдан ўласан. Бу пулларни харжлай олмайсан-ку. «

Яхши китоб бу. Қолаверса, Шавкат Миромонович ҳам вазирлар китоб ўқиса севинади. @eltuz2022

Тағин ўқинг
22 май 2023
Салом қадрли муҳлислар. Элтуз порталига келган навбатдаги 5 та шикоятни ўқиб эшиттирамиз. Мактублар Ўзбекистоннинг Андижон, Сурхондарё, Фарғона, вилоятлари дан ...
21 ноябр 2022
Салом қадрли мухлислари. Бугун 21 ноябр. Эътиборингизга Элтуз «600 секунд»нинг навбатдаги сонини тақдим этади.+++Каттақўрғонда итни темир билан уриб ўлдирган ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. Шу пайт менинг орқамдан ...
10 май 2020
Ўзбекистон президенти Шавкат Мирзиёев 9 май куни Тошкентда Хитойдан таклиф қилинган ҳайкалтарошлар тарафидан “неосталинизм” услубида барпо этилган Ғалаба боғини ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...